ஐரோப்பிய ஒன்றிய உச்சி மாநாடு தடுப்பூசி ஏற்றுமதி தடையிலிருந்து பின்வாங்குகிறது. Robert Stevens

ஐரோப்பிய ஒன்றியத்தின் (EU) இரண்டு நாள் உச்சிமாநாடு வியாழனன்று அதன் தோல்வியுற்ற தடுப்பூசிகள் மீதான பெருகிய பதட்டங்களால் ஆதிக்கம் செலுத்தியது. ஆனால் தடுப்பூசிகள் மீதான ஏற்றுமதி தடைக்கு அச்சுறுத்தல் விடுத்த ஐரோப்பிய ஒன்றியத் தலைவர்கள் வியாழனன்று பின்வாங்கி ஒரு கூட்டறிக்கையை வெளியிட்டனர்.

"வெளிப்படைத்தன்மையின் முக்கியத்துவத்தையும் ஏற்றுமதி அங்கீகாரங்களின் பயன்பாட்டையும் நாங்கள் அடிக்கோடிட்டுக் காட்டுகிறோம்," என்று அந்த அறிக்கை கூறியது. பிரிட்டன்-சுவிடிஷ் உற்பத்தியாளரான அஸ்ட்ராசெனெகா (AstraZeneca) - இந்த காலாண்டில் பிரஸ்ஸல்ஸ் வாங்குவதற்கு கோரிய 120 மில்லியன் அளவுகளில் (doses) கால் பகுதியை மட்டுமே நிறைவேற்றும் என்று எதிர்பார்க்கப்படுகிறது- அது தொடர்ந்து கூறியது, "உலகளாவிய மதிப்பு சங்கிலிகளின் முக்கியத்துவத்தை நாங்கள் அங்கீகரிக்கிறோம், மேலும் நிறுவனங்கள் தங்கள் தடுப்பூசி உற்பத்தி மற்றும் ஒப்பந்த விநியோக காலக்கெடுவை மதிக்க வேண்டும் என்பதை உறுதிப்படுத்தவேண்டும்."

அஸ்ட்ராசெனெகாவிலிருந்து தடுப்பூசிகளை வழங்குவது மற்றும் விநியோகிப்பது தொடர்பாக ஐரோப்பிய ஒன்றியத்திற்கும் போரிஸ் ஜான்சனின் பிரித்தானியா அரசாங்கத்திற்கும் இடையிலான பதட்டங்கள் உச்சிமாநாட்டிற்கு முன்னதாகவே கொதிநிலைக்கு வந்தன.

பிரிட்டனும் ஐரோப்பிய ஒன்றியமும் மில்லியன் கணக்கான அளவுகளைப் பெறுவதற்கு ஒப்பந்தங்களில் கையெழுத்திட்டுள்ளன, ஆனால் உற்பத்தி இடர்பாடுகளை மேற்கோளிட்டு ஒரு சிறிய விகிதமே நிறுவனத்தால் வழங்கப்பட்டுள்ளது. ஐரோப்பிய ஒன்றியத்தை விட மூன்று மாதங்களுக்கு முன்னதாகவே இந்த ஒப்பந்தம் கையெழுத்திடப்பட்டது என்றும் நெதர்லாந்திலுள்ள ஒரு ஆலையில் செய்யப்பட்ட தடுப்பூசி அளவுகள் உட்பட முன்னுரிமை பெற வேண்டும் என்றும் பிரிட்டன் வலியுறுத்துகிறது. பிரிட்டன் கடந்த ஆண்டு ஐரோப்பிய ஒன்றியத்தில் இருந்து வெளியேறி, தடுப்பூசிகளை தயாரிக்கும் பெருநிறுவனங்களுடன் அதன் சொந்த ஒப்பந்தத்தை வெட்டியது.

ஐரோப்பிய ஒன்றியத்திற்குள் மொத்த தடுப்பூசிகள் போடுதல்கள் பேரழிவுகரமான வகையில் குறைந்த அளவில் உள்ளன, மார்ச் 22 க்குள் 100 பேருக்கு 12.9 ஆக இருந்தது. இதற்கு மாறாக பிரிட்டன் 100க்கு 44.7 என்ற அளவில் தடுப்பூசியை போட்டுள்ளது. ஐரோப்பிய ஒன்றியத்திற்குள் கிட்டத்தட்ட 450 மில்லியன் மக்கள் தொகை கொண்ட உறுப்பு நாடுகளுக்கு 88 மில்லியன் தடுப்பூசி அளவுகள் தான் விநியோகிக்கப்பட்டுள்ளன.

இதற்கு விடையிறுக்கும் வகையில் ஐரோப்பிய ஒன்றியத்தின் நிர்வாக பிரிவான ஐரோப்பிய ஆணையம் தடுப்பூசிகள் ஏற்றுமதிகளை தடை செய்வதாக அச்சுறுத்தியது. புதனன்று, ஐரோப்பிய ஆணையத்தின் துணைத் தலைவர் வால்டிஸ் டோம்ப்ரோவ்ஸ்கிஸ், ஐரோப்பிய ஒன்றியத்தில் இருந்து அனைத்து தடுப்பூசிகள் அனுப்புதல்கள் இலக்கு, நாட்டின் தடுப்பூசிகள் மற்றும் தடுப்பூசி ஏற்றுமதிகள் தொடர்பாக மதிப்பீடு செய்யப்படும் என்று திட்டங்களை அறிவித்தார். ஐரோப்பிய ஒன்றியக் கொள்கையை இறுக்குவது ஐக்கிய இராச்சியத்தை இலக்காகக் கொண்டது. இது ஐரோப்பிய ஒன்றியத்திற்கு எந்த தடுப்பூசி மருந்துகளையும் ஏற்றுமதி செய்யவில்லை. உச்சிமாநாட்டிற்கு முன்னதாக டவுனிங் தெருவை கண்டனம் செய்ய அதிகாரிகள் மற்றும் மூத்த அரசியல் பிரமுகர்கள் வரிசையில் நின்று வருகின்றனர். ஐரோப்பிய ஒன்றியம் "தங்கள் சொந்த உற்பத்தி திறன்கொண்ட நாடுகளுக்கு தடுப்பூசிகளை தொடர்ந்து ஏற்றுமதி செய்து வருகிறது, ஆனால் இந்த நாடுகள் ஐரோப்பிய ஒன்றியத்திற்கு ஏற்றுமதி செய்யாத போது, எந்த விதமான மறுமொழியும் இல்லை" என்று டோம்ப்ரோவ்ஸ்கிஸ் குறைகூறினார்.

உச்சிமாநாட்டுடனான தவிர்க்கமுடியாத நெருக்கடியை தணிக்க, ஜோன்சன் இந்த வாரம் ஜேர்மன் சான்ஸ்சலர் அங்கேலா மேர்க்கெல் மற்றும் பிரெஞ்சு ஜனாதிபதி இமானுவல் மக்ரோன் உட்பட ஐரோப்பிய ஒன்றிய அரசு மற்றும் ஐரோப்பிய ஆணையத் (EC) தலைவர்களை தொலைபேசியில் தொடர்பு கொண்டார். தீர்வு எதுவும் எட்டப்படவில்லை.

ஐரோப்பிய ஒன்றியம் ஒரு ஏற்றுமதித் தடையை விதித்தால், இது ஐக்கிய இராஜ்ஜியத்திற்கு சாதகமாக இருக்கும் வர்த்தக மோதல்களுக்கு எரியூட்டும் என்று ஜோன்சன் அச்சுறுத்தினார். "நிறுவனங்கள் அத்தகைய நடவடிக்கைகளை காணக்கூடிய விநியோக சங்கிலிகளை தடைசெய்வது அல்லது குறுக்கீடு செய்வது குறித்து சிந்திப்பவர்கள் மீது நான் மென்மையாக சுட்டிக்காட்டவிரும்புகிறேன், மேலும் தன்னிச்சையாக தடைவிதிக்கப்பட்ட நாடுகளில் எதிர்கால முதலீடுகளை செய்வது விவேகமானதா இல்லையா என்பது குறித்து முடிவுகளை எடுக்க வேண்டும்," என்று அவர் கூறினார்.

சுகாதார செயலாளர் மாட் ஹான்காக் புதனன்று பைனான்சியல் டைம்ஸிடம் கூறினார், "சுதந்திர வர்த்தக நாடுகள் ஒப்பந்தங்களின் சட்டத்தை பின்பற்றுவதாக நான் நம்புகிறேன்." "அவர்கள் ஒரு ‘சிறந்த முயற்சிகள்’ ஒப்பந்தத்தைக் கொண்டிருக்கின்றனர், எங்களுக்கு ஒரு தனித்தன்மை ஒப்பந்தம் உள்ளது" என்று அஸ்ட்ராசெனெகாவின் ஐரோப்பிய ஒன்றியத்தின் ஒப்பந்தத்தை அவர் கேலி செய்தார். நடந்து கொண்டிருக்கும் பேச்சுவார்த்தைகள் "கூட்டுறவு, நடைமுறை மற்றும் ஒத்துழைப்பு" என்று கூறிய அதே வேளையில், "எங்கள் ஒப்பந்தம் அவர்களின் துருப்பு சீட்டுக்கள்" என்று அவர் சேர்த்துக் கொண்டார்.

ஐரோப்பிய ஒன்றியத்தின் உள் சந்தை ஆணையர் தியரி ப்ரெட்டன் செய்தித்தாளிடம் கூறினார், "தடுப்பூசி தேசியவாதம் உண்மையில் கால்வாயின் மறுபக்கத்தில் உள்ளது என்ற உணர்வு எங்களுக்கு உள்ளது."

புதன்கிழமை பிற்பகுதியில் அடையப்படக்கூடிய அனைத்தும் ஒரு ஐரோப்பிய ஒன்றியம்/பிரித்தானியா கூட்டான அறிக்கையாகும், "நாம் அனைவரும் ஒரே பெருந்தொற்று நோயை எதிர்கொள்கிறோம், மூன்றாவது அலை ஐரோப்பிய ஒன்றியத்திற்கும் பிரித்தானியாவிற்கும் இடையே ஒத்துழைப்பை இன்னும் முக்கியமானதாக ஆக்குகிறது."

பேச்சுவார்த்தைகள் தொடங்கியபோது, இந்தக் குற்றச்சாட்டுகளால் சமாதானம் தகர்ந்துவிட்டது என்ற கூற்றுக்கள் பொய்யாக்கப்பட்டுள்ளன. ஐரோப்பிய ஒன்றியமானது 21 மில்லியன் தடுப்பூசிகளை பிரித்தானியாவிற்கு அனுப்பியதாகவும் ஆனால் அதற்கு ஈடாக எதையும் பெறவில்லை என்றும் ஒரு அதிகாரி கூறினார். இவற்றில் சுமார் 1 மில்லியன் டோஸ்கள் அஸ்ராசெனாகா தடுப்பூசியாகும். பிரான்சின் ஐரோப்பிய ஒன்றிய விவகார அமைச்சர் ClŽment Beaune கூறினார், "ஐரோப்பாவில் உற்பத்தி செய்யப்படும் அஸ்ராசெனாகா டோஸ்கள் பிரிட்டனுக்கு செல்லவேண்டும் என்பதை நாங்கள் தவிர்க்க விரும்புகிறோம்... அஸ்ராசெனாகா கூறுகிறது: 'நான் தாமதங்களை அனுபவிக்கிறேன்'. நாங்கள் சொல்கிறோம்: 'உங்கள் ஆலைகளை எங்களுக்கு ஒழுங்குபடுத்தவும், நீங்கள் அவ்வாறு செய்யவில்லை என்றால், பிரித்தானியாவிற்கான ஏற்றுமதிகளை நாங்கள் தடுப்போம்."

ஐரோப்பிய ஆணையத்தின் தலைவர் ஊர்சுலா வொன் டெர் லெயென் ட்டுவீட் செய்தார், "ஐரோப்பிய ஒன்றியமானது 1ந் திகதி டிசம்பர் 2020 முதல் 33 நாடுகளுக்கு 77 மில்லியன் டோஸ்கள் தடுப்பு மருந்துகளை ஏற்றுமதி செய்துள்ளது" மற்றும் ஐரோப்பிய ஒன்றிய உச்சிமாநாடு "ஐரோப்பியர்கள் தடுப்பூசிகளில் தங்களின் நியாயமான பங்கைப் பெற வேண்டும்" என்று ட்டுவீட் செய்தார்.

கடந்த வார இறுதியில் ஐரோப்பிய ஒன்றிய ஆணைகளின் பேரில் செயல்பட்டு வந்த இத்தாலிய இராணுவப் பொலிஸ் உயரடுக்கு பிரிவு, ரோம் அருகேயுள்ள Catalent ஆலையில் சோதனை நடத்தியது. அங்கு அஸ்ராசெனாகா தடுப்பூசி குப்பிகளில் வைக்கப்பட்டுள்ளது மற்றும் பெயரிடப்பட்டு இருந்தது. லா ஸ்டாம்பாவில் இந்த தொகுதிகள் 29 மில்லியன் டோஸ்கள் "பதுக்கி வைக்கப்பட்டிருப்பதாக" கண்டுபிடிக்கப்பட்டது. இத்தாலிய ஊடகங்கள் ஆரம்பத்தில் தடுப்பூசிகள் - அதாவது கிட்டத்தட்ட பாதி அஸ்ராசெனாகாவின் ஐரோப்பிய ஒன்றிய விநியோக பற்றாக்குறை - பிரித்தானியாவிற்கு விநியோகத்திற்காக தயாராக உள்ளன என்று கூறின. இந்தக் கூற்று தவறானது, ஆலையிலிருந்து எந்த உத்தரவும் வரவில்லை என்று பிரித்தானியா கூறியது. சில மணி நேரத்திற்குள் ஐரோப்பிய ஒன்றியமானது ஐரோப்பிய ஒன்றியத்தை சுற்றி விநியோகத்திற்காக அஸ்ட்ராசெனாகாவின் பெல்ஜிய ஆலைக்கு இரண்டு தனித்தனி அணிகளாக குப்பிகளை அனுப்புகிறது என்பதை ஒப்புக்கொள்ள வேண்டிய கட்டாயம் ஏற்பட்டது.

சில வாரங்களுக்கு முன்புதான் இத்தாலியின் பிரதம மந்திரி மரியோ டிராகி, ஆஸ்திரேலியாவிற்கு அஸ்ட்ராசெனாகா தடுப்பூசியின் 250,000 டோஸ்களை ஏற்றுமதி செய்வதைத் தடுத்துள்ளார்.

உச்சிமாநாட்டிற்கு முன்னதாக ஃபைசர் (Pfizer) ஐரோப்பிய ஒன்றியத்தை நோக்கி அடியெடுத்து வைத்து, யோர்க்ஷயரில் இருந்து ஏற்றுமதி செய்யப்படும் தடுப்பூசி மருந்துகளுக்கான மூலப்பொருட்களை நிறுத்தி, ஐக்கிய இராச்சியம் ஒரு ஏற்றுமதி தடைக்கு பதிலடி கொடுக்க முடியும் என்று எச்சரித்தது. வியாழனன்று ராய்ட்டர்ஸ், "அமெரிக்க பயோடெக் நோவக்ஸ் அதன் தடுப்பூசியை முகாம்களுக்கு வழங்குவதற்கான ஒப்பந்தத்தில் கையெழுத்திடுவதில் தாமதப்படுத்துகிறது" என்று ஒரு ஐரோப்பிய ஒன்றிய அதிகாரி கூறினார், அது "சில மூலப்பொருட்களை உற்பத்தி செய்வதில்" சிக்கல்களை மேற்கோளிட்டது.

ஒவ்வொரு பிரதான முதலாளித்துவ சக்தியும் அவர்களின் அயலவரை வறியவராக்கும் கொள்கையில் ஈடுபட்டுக் கொண்டிருக்கிறது. இது, வைரஸின் பரவலுக்கு மட்டுமே உதவும் பேரழிவு விளைவுகளைக் கொண்டிருக்கிறது. ஜனாதிபதி ஜோ பைடனின் அமெரிக்க நிர்வாகம் வேறு எந்த நாட்டிற்கும் ஏற்றுமதி செய்யவில்லை, ஜேர்மன் சான்சலர் அங்கேலா மேர்க்கெல் இந்த வாரம் இந்த முடிவின் போது, "பிரிட்டனின் வசதிகள் பெரிய பிரித்தானியாவிற்கு உற்பத்தி செய்யப்படுகின்றன என்பதை நாம் தெளிவாக பார்க்க முடியும். அமெரிக்கா ஏற்றுமதி செய்யவில்லை, எனவே ஐரோப்பாவில் உற்பத்தி செய்யக் கூடியதைத்தான் நாங்கள் சார்ந்திருக்கிறோம்" என்றார்.

வியாழனன்று கூட்டத்திற்குப் பின்னர் மேர்க்கெல் கூறினார், "ஏற்றுமதி ஆட்சி பற்றி நாங்கள் பூகோள விநியோக சங்கிலியை குழப்புவதற்கு முற்றிலும் விரும்பவில்லை, ஆனால் எங்களுடன் ஒப்பந்தங்களைச் செய்த நிறுவனங்கள் அந்த ஒப்பந்தங்களுக்கு உண்மையாக விசுவாசமாக இருப்பதை உறுதி செய்வதில் எங்களுக்கு ஆர்வம் உள்ளது.

"ஐரோப்பிய ஒன்றியம் என்ற முறையில், நாம் உலகின் ஒரு பகுதியாக இருக்கிறோம், அது விநியோகம் செய்வது மட்டுமல்லாமல், —அமெரிக்காவைப் போலல்லாமல், பிரிட்டனைப் போலல்லாமல், பரந்த உலகிற்கு ஏற்றுமதி செய்து கொண்டிருக்கிறது."

ஐரோப்பிய ஒன்றியத்தின் பின்வாங்கல் இன்னும் நெருக்கடியைத் தடுக்க எதுவும் செய்யவில்லை. ஐரோப்பிய ஒன்றிய உச்சிமாநாட்டிற்கு முந்தைய நாள், உலகின் மிகப் பெரிய தடுப்பூசி உற்பத்தியாளர்களில் ஒன்றான இந்தியா, பெருந்தொற்றுக்கள் அதிகரிப்புக்குப் பின்னர், மேலும் அறிவிப்பு வரும் வரை ஏற்றுமதி செய்யப்போவதில்லை என்று அறிவித்தது. வியாழனன்று அது முந்தைய 24 மணி நேரத்தில் 53,000 புதிய தொற்றுக்களை அறிவித்தது, இது அக்டோபர் முதல் பதிவு செய்யப்படவில்லை, கடந்த செப்டம்பரில் ஒரு நாளைக்கு கிட்டத்தட்ட 100,000 புதிய தொற்றுக்களின் உச்சத்திற்கு சென்றது. பிரிட்டனின் ஐந்து மில்லியன் அஸ்ட்ராசெனாகா டோஸ்கள் இந்தியாவின் சீரம் இன்ஸ்டிட்யூட் (Serum Institute) இல் இருந்து தாமதமாக அனுப்பப்பட்டுள்ளது, அதன் தடுப்பூசிகள் விரைவில் அதன் விளைவாக மீண்டும் தொடங்கும் என்று ஜோன்சன் அரசாங்கம் எச்சரித்துள்ளது.

தடுப்பூசிகள், ஐரோப்பிய ஒன்றியத்திற்கும் பிரிட்டனுக்கும் இடையேயுள்ள பதட்டங்களை மட்டும் வெளிப்படுத்தவில்லை, ஆனால் ஐரோப்பிய ஒன்றிய நாடுகளுக்கு இடையே பதட்டங்களையும் வெளிப்படுத்தியுள்ளது. ஆஸ்திரியாவின் சான்சலர் செபாஸ்டியன் குர்ஸ், BioNTech/Pfizer தடுப்பூசியின் கூடுதல் 10 மில்லியன் டோஸ்கள் எவ்வாறு விநியோகிக்கப்படும் என்று அறிய கோரினார். செக் குடியரசு, லாட்வியா, லித்துவேனியா, குரோஷியா மற்றும் எஸ்தோனியா உள்ளிட்ட நாடுகள் தாங்கள் உத்தரவிட்ட AstraZeneca jabs ஐ பெறவில்லை, மேலும் அவர்கள் BioNTech/Pfizer ஐ முதலில் பெற வேண்டும் என்று கோருகின்றனர். இந்த நிகழ்ச்சிக்கு முன்னதாக பேசிய குர்ஸ், "இங்கு எந்த தீர்வும் காணப்படவில்லை என்றால், அது ஐரோப்பிய ஒன்றியத்திற்கு சேதத்தை ஏற்படுத்தும், இது நீண்ட காலமாக நாம் பார்த்திராததைப் போன்றதாகும்" என்றார். ஆஸ்திரியாவை உள்ளடக்காத எந்த விநியோக ஒப்பந்தத்திலும் தான் இணைக்க வேண்டும் என்று அவர் வலியுறுத்தினார். ஆஸ்திரியாவின் கோரிக்கைகள் நிராகரிக்கப்பட்டன.

COVID-19 தடுப்பூசிகள் விநியோகிப்பதற்கு பெரும் சக்திகள் தங்கள் "சொந்த" குடிமக்களைப் பற்றி கவலை கொள்ளவில்லை. தடுப்பூசிகளின் பாரிய விநியோகம் உலகளாவிய அளவில் பொருளாதாரங்களை மீண்டும் திறக்கும் ஒரு கொலைகாரக் கொள்கையை நியாயப்படுத்த பயன்படுத்தப்படுகிறது, பள்ளிகள் முன்னணியில் உள்ளன. தடுப்பூசி மூலம் லட்சக்கணக்கான மக்களின் உயிருக்கு ஆபத்து ஏற்படும் அபாயம் உள்ளது. ஆனால், அவர்களின் நியாயங்கள் ஒரு பேரழிவு துவக்கம் என்ற நிலையில் சரிந்து விட்டன.

இன்னும் அடிப்படை, உலகின் முன்னணி தொற்று நோயியல் நிபுணர்கள் இது ஒரு உலகளாவிய தொற்று நோய் மற்றும் அந்த அடிப்படையில் வைரஸ் எதிர்த்து போராடுவதற்கான தோல்வி ஏற்கனவே COVID-19 ஒரு மறுஎழுச்சிக்கு வழிவகுக்கிறது. ஐரோப்பாவில் மட்டும் 19 ஐரோப்பிய ஒன்றிய நாடுகள் தொற்றுநோய் அதிகரிப்பை பதிவு செய்து வருகின்றன. குறிப்பிடத்தக்க அளவிற்கு தொற்றக்கூடிய பிரிட்டன் திரிபு வகை இப்போது ஜேர்மனி உட்பட பல நாடுகளில் ஆதிக்கம் செலுத்தியுள்ளது, மேலும் ஸ்பெயின் புதிய நிகழ்வுகளில் பாதிக்கு மேல் இருப்பதாக கூறியுள்ளது.

பிற பிறழ்வுகள் தென்னாபிரிக்கா, பிரேசில் மற்றும் அமெரிக்காவுடன் தொடர்புடையவை. இந்தியாவில் புதிய வகை மாற்றங்கள் தோன்றியதன் காரணமாக இந்த உயர்வு ஏற்பட்டிருக்கலாம் என்று அஞ்சப்படுகிறது.

உலக மக்களின் தடுப்பூசி போடுதலை முதலாளித்துவ வர்க்கத்தின் கைகளில் இருந்து எடுக்கப்பட வேண்டும். மருந்து பெருநிறுவனம் சமூக உடமைக்குள் கொண்டு செல்லப்பட்டு, உலகளாவிய ரீதியில் திட்டமிடப்பட்ட தடுப்பூசிகளை விநியோகிப்பதற்கு ஒரு விஞ்ஞான ரீதியான அணுகுமுறை தேவைப்படுகிறது. தொழிலாள வர்க்கம் அதன் போராட்டங்களை ஒன்றுபடுத்துவதன் மூலமும் அவற்றை முதலாளித்துவத்திற்கு எதிராக திருப்பிவிடுவதன் மூலமும் COVID-19 க்கு எதிரான ஒரு சர்வதேச போராட்டத்தை முன்னெடுக்க சுயாதீனமாக செயற்பட வேண்டும்.

உலக சோசலிஸ வலைத்தளத்திலிருந்து