வெற்றிபெற இயலாதவாறு வழக்கை பதிவு செய்வதற்காக கோடிக்கணக்கில் லஞ்சம் வாங்கிய DIG CID க்கு அழைக்கப்படுகின்றார்

காவல்துறை நிதிக் குற்றப் பிரிவினால் சிறப்பு உயர்நீதிமன்றத்தில் தாக்கல் செய்த முதல் வழக்கான லிட்ரோ காஸ் நிறுவனத்தின் 500 மில்லியன் ரூபாவை தவறாக பயன்படுத்திய வழக்கில் பிரதிவாதிகளில் முன்னாள் FCID பிரதானி ரவி வைத்தியலங்கார மில்லியன் கணக்கில் பணத்தை பெற்றுக்கொண்ட விதம் தொடர்பாக அந்த வழக்கின் பிரதிவாதியான குடாபாலகே பியதாசவினால் FCID அதிகாரி ஒருவருக்கு தொலைபேசியில் அழைப்பினை மேற்கொண்டு தெரிவித்துள்ளதாக தெரிவிக்கப்படுகிறது.

அவர் குறிப்பிடும் வகையில் அந்த வழக்கில் முதல் பிரதிவாதியான மஹிந்த ராஜபக்ஷவின், முன்னாள் ஜனாதிபதி காரியாலயத்தில் தலைமை பிரதானி காமினி செனரத்விடம் 200 மில்லியன் ரூபா, இரண்டாவது பிரதிவாதியான குடாபாலகே பியதாச எனும் தன்னிடம் 300 மில்லியன் ரூபா மற்றும் மூன்றாவது பிரதிவாதியிடம் நீல் பண்டார ஹபுஹின்னவிடம் 6.5 மில்லியன் ரூபா என்ற அடிப்படையில் ரவி வைத்தியலங்கார பணம் பெற்றுள்ளதாக தெரிவிக்கப்பட்டுள்ளது.

அதன்படி, வழக்கின் அடிப்படையாக இருந்த பணத் தொகையை விட வழக்கை வெல்லும் வகையில் வழக்கைத் தாக்கல் செய்ய ரவி வைத்தியலங்கர பிரதிவாதிகளிடமிருந்து பணத்தைப் பெற்றதாகத் தெரிகிறது.

இங்கு குடாபாலகே பியதாச விசேட தேவையுள்ள குழந்தைக்கு ஒதுக்கியிருந்த தொகையை ரவி வைத்தியலங்கார பெற முயற்சித்ததாக அவர் FCID அதிகாரியிடம் தெரிவித்திருந்தார். அவரது வைப்பில் 60 மில்லியன் ரூபா இருப்பதாக தெரிந்துகொண்ட ரவி வைத்தியலங்கார வழக்கின் தீர்ப்பு அறிவிக்கப்பட்ட பின்னர் உடனடியாக பியதாசவுக்கு தொலைபேசி அழைப்பினை மேற்கொண்டு மீதி தொகை தனக்கு வேண்டும் என தெரிவித்ததோடு, கோபமடைந்த பியதாச தனது விசேட தேவையுடைய குழந்தைக்காக ஒதுக்கப்பட்டுள்ள தொகையை எக்காரணம் கொண்டும் அவருக்கு வழங்க இயலாது எனவும் சிறைக்கு செல்லவும் தான் தயார் எனவும் அவருக்கு தெரிவித்ததாக குறிப்பிட்டுள்ளார்.

இந்த வழக்கில் மூன்றாவது குற்றவாளியான நீல் பண்டார ஹபுஹின்னவின் சகோதரரும் சிஐடியின் உயர் அதிகாரியாக பணியாற்றியதாகவும் இருப்பினும், ரவி வைத்தியலங்கார நீல் பண்டாரவிடமிருந்து ரூ .6.5 மில்லியனைப் பெற்றதாக பியதாசா தெரிவித்துள்ளார்.

இந்த அனைத்து பண தொகையையும் ரவி வைத்தியலங்காரவிடம் இருந்து திரும்பப் பெறுவதாக பியதாசா மேலும் தெரிவித்துள்ளார். கோட்டாபய ராஜபக்ஷ வெற்றிபெற்ற போதிலும் அவருடன் இணைந்து அதிகாரம் செய்வதற்கு ரவி வைத்தியலங்காரவுக்கு இடம் வழங்கப்போவதில்லை என குறிப்பிட்ட அவர் தன்னை போல பியால் பந்து விக்ரமவுக்கு வைத்தியலங்கார செய்ததை கோட்டாபய ராஜபக்ஷ நன்கு அறிவார் என்பதை நினைவில் வைத்திருப்பதாக தகவல் வட்டாரங்கள் தெரிவித்துள்ளன.