வெலிகம நகர சபையை மாநகர சபையாக மாற்றுவதற்கு முன்மொழிவு

மாத்தறை மாவட்டத்தின் வெலிகம நகர சபையை மாநகர சபையாக மாற்றுவதற்கான யோசனை முன்வைக்கப்பட்டுள்ளது.

வெலிகம நகரசபை உட்பட்ட பிரதேசத்தில் சனத்தொகை இருபத்தேழாயிரத்தைத் தாண்டியுள்ள நிலையில் காணப்படுவதால் அடுத்த ஆண்டு நடுப்பகுதியில் அதாவது அது 35 ஆயிரத்தைத் தாண்டும் பட்சத்தில் வெலிகம நகரசபையை மாநகர சபையாக மாற்றவுள்ளதாக வெலிகம நகரசபை தலைவர் ரெஹான் ஜயவிக்கிரம தெரிவித்துள்ளார்.

நகரசபை - மாநகர சபையாக மாற்றப்படும்போது அதன் எல்லைப் பரப்பு அதிகரிக்கப்படும் அதேவேளை, வெலிகம பிரதேச சபைக்கு உட்பட்ட பல பிரதேசங்கள் மாநகரசபை எல்லைக்குள் உள்வாங்கப்படவுள்ளன என்பதும் குறிப்பிடத்தக்கது.