மாற்றுதிறனாளியின் நெல் வயலை களவாக அறுவடை செய்த பா. உ சிறிதரனின் ஊடகவியலாளர் கைது

கிளிநொச்சி முரசுமோட்டை மருதங்குளம் பகுதியில் கடந்த வெள்ளிக் கிழமை அத்துமீறு மாற்றுத்திறனாளி ஒருவரின் வயலுக்குள் சென்று அறுவடை மேற்கொண்ட கிளிநொச்சி தமிழரசுக் கட்சியின் உறுப்பினரும், பாராளுமன்ற உறுப்பினர் சிறிதரனின் ஊடகவியலாளருமான சு.பாஸ்கரன் கிளிநொச்சி பொலீஸாரால் கைது செய்யப்பட்டுள்ளார்.

இச்சம்பவம் இன்று(12) பிற்பகல் இடம்பெற்றுள்ளது. குறித்த ஊடகவியலாளர் தான் பாராளுமன்ற உறுப்பினர் சிறிதரனின் செல்வாக்கும், மாவட்டத்தில் உள்ள பொலீஸ் மற்றும் அதிகாரிகளின் செல்வாக்குள்ளவர் என்றும் தனது கிராமமான முரசுமோட்டை ஊரியானில் கூறிக்கொண்டு பல சட்டவிரோத செயற்பாடுகளில் ஈடுப்பட்டு வருகின்றார். இவரது சட்டவிரோத செயற்பாடுகள் குறித்து பாராளுமன்ற உறுப்பினர் சிறிதரனின் கவனத்திற்கு பிரதேச கமக்கார அமைப்புகளால் எடுத்துக் கூறியும் அவர் அதனை கட்டுப்படுத்தாது அதற்கு மாறாக குறித்த தனது ஊடகவியலாளருக்கு சமாதான நீதவான் பதவி ஒன்றை வழங்க சிபார்சு செய்துள்ளார். இது அப்பிரதேச மக்களிடையே பெரும் அதிர்வலைகளை ஏற்படுத்தியிருந்தது.


கடந்த வெள்ளிக்கிழமை முரசுமோட்டை மருதங்குளம் பிரதேசத்தில் ஒரு மாற்றுவலுள்ள இளைஞன் ஒருவர் தனது தந்தையாரை தொடர்ந்து ஒன்றரை ஏக்கர் வயல் காணியில் சுமார் முப்பது வருடங்களாக பயிர்ச்செய்து வருகின்றார். இக் காணிக்கு அருகில் உள்ள மூன்று ஏக்கர் காணியின் பெண் ஒருவர் மாற்றுவலுள்ள இளைஞனின் பராமரிப்பில் உள்ள காணியை அபகரிக்கும் நோக்கில் ஊடகவியலாளராக சு. பாஸ்கரனுடன் இணைந்து அவ் இளைஞனின் காணியை முயற்சிகளை மேற்கொண்டு வந்துள்ளதோடு, கடந்த வெள்ளிக் கிழமை அவர்களின் காணிக்குள் அத்துமீறி சென்று அறுவடையிலும் ஈடுப்பட்டுள்ளனர்.

இதனை குறித்த இளைஞன் கமக்கார அமைப்பின் உதவியுடன் சென்று தடுக்க முற்பட்ட போது அத்துமீறு அறுவடையில் ஈடுப்பட்ட பெண் அவர்கள் மீது மிளகாய் தூள் தாக்குதலை மேற்கொண்டுள்ளார். இதன் போது இரண்டு தரப்பினர்களுக்கும் கைகலப்பு ஏற்பட்டது. இந்த சம்பவத்தினை தொடர்ந்து விசாரணைகளை மேற்கொண்ட கிளிநொச்சி பொலீஸார் சிறிதரனின் ஊடகவியலாளர் உட்பட ஏழு பேரை கைது செய்துள்ளனர். கைது செய்யப்பட்டவர்கள் நாளைய தினம் கிளிநொச்சி மாவட்ட நீதிமன்றில் முற்படுத்தவுள்ளனர்.