''பொறுமை காத்தது போதும்'' - மஹிந்த தலைமையில் பொங்கியெழுந்த மக்கள்

பொறுமை காத்தது போதும் என்ற தொனிப்பொருளில் இன்றைய தினம் கண்டியில் பாரிய மக்கள் கூட்டம் ஒன்று அணிதிரண்டதாக தெரிவிக்கப்பட்டுள்ளது. எதிர்க்கட்சி தலைவர் மஹிந்த ராஜபக்ச தலைமையில் இந்த மக்கள் கூட்டம் ஒன்று கூடியுள்ளது.

ஐக்கிய தேசியக்கட்சி அரசாங்கத்தின் செயல்பாடுகளுக்கு எதிர்ப்பு தெரிவித்தும், மக்களுக்கு விழிப்பூட்டும் நோக்கிலும் குறித்த கூட்டம் நாடு முழுவதும் இடம்பெறும் என, எதிர்க்கட்சி தலைவர் மஹிந்த ராஜபக்ச அண்மையில் குறிப்பிட்டிருந்தார்.

அதற்கமைவாக இதன் முதலாவது கூட்டம் எதிர்க்கட்சித் தலைவர் மஹிந்த ராஜபக்ஸ தலைமையில் கண்டியில் நடைபெற்றுள்ளதாக தெரிவிக்கப்பட்டுள்ளது.

ஒன்றிணைந்த எதிர்க்கட்சியை பிரிதிநிதித்துவப்படுத்தும் அரசியல்வாதிகள், பொதுஜன பெரமுன உறுப்பினர்கள் உள்ளிட்ட பல அரசியல் முக்கியஸ்தர்கள், இந்த கூட்டத்தில் கலந்து கொண்டதாக தெரிவிக்கப்பட்டுள்ளது.