தொண்டமான் கொக்கைன் பாவிப்பவர். இரத்தத்தை பரிசோதியுங்கள். ரஞ்சன் ராமநாயக்க

பாராளுமன்ற உறுப்பினர்கள் பலர் போதைப் பொருள் பாவிப்பதாகவும் அவர்களின் இரத்தம் பரிசோக்கப்படவேண்டும் என்றும் தொடர்ச்சியாக சர்ச்சையை கிளப்பி வரும் இராஜாங்க அமைச்சர் ரஞ்சன் ராமநாயக்க, இலங்கை தொழிலாளர் காங்கிரஸின் தலைவர் ஆறுமுகம் தொண்டமான் கொக்கைன் பாவிப்பதாகவும் அவரது இரத்தத்தை சோதனை செய்யுங்கள் என்றும் வேண்டுதல் விடுத்தார்.

கடந்த வெள்ளிக்கிழமை பாராளுமன்ற விவாதங்கள் இடம்பெற்றபோது, பாராளுமன்றிலுள்ள கொக்கைன் பாவிப்பவர்களின் பெயர்களை ரஞ்சன் வெளிவிடவேண்டும் என்று உறுப்பினர்கள் கேலி செய்தபோது, இங்கே முன்னால் இருக்கின்ற தொண்டமானின் இரத்தத்தை பரிசோதியுங்கள் என தெரிவித்தார்.

அத்துடன் பாராளுமன்றில் அமர்ந்திருக்கின்ற 4 பேர் எதனோல் மற்றும் போதைப்பொருள் வியாபாரிகள் என்றும் அவர் கூறினார். அதன்போது அவர்களின் பெயரை வெளியிடுமாறு உறுப்பினர்கள் சதமிட்டபோது, மூவர் பொது எதிரணியினர் என்றும் ஒருவர் ஐக்கிய தேசியக் கட்சியை சேர்ந்தவர் என்றும் கூறினார்.

பெயர்களை கூறுங்கள் என உறுப்பினர்கள் சத்தமிட்டபோது, எதிரணியை சேர்ந்த வசந்த, ஜோன்சன் பெர்ணாண்டு மற்றும் அருந்திக்க ஆகியோரின் பெயரை வெளியிட்ட அவர் ஐக்கிய தேசியக் கட்சி உறுப்பினரின் பெயரை வெளிவிடவில்லை என்பது குறிப்பிடத்தக்கதாகும்.