நடிகை உள்ளிட்ட 17 பேர் கொக்கேய்னுடன் சிக்கினர்

மாத்தறையிலுள்ள ஹோட்டலொன்றில் களியாட்டத்தில் ஈடுபட்டிருந்த நடிகை உள்ளிட்ட 17 பேர் கொக்கேய்னுடன் கைது செய்யப்பட்ட நிலையில், அவர்கள் இன்று நீதிமன்றத்தில் முன்னிலை படுத்தப்படவுள்ளார்கள்.

குறித்த 17 பேரும் நேற்று கைது செய்யப்பட்டனர். இதில் 13 இளைஞர்களும் உள்ளடங்குவதாக பொலீசார் குறிப்பிட்டுள்ளார்கள். இவர்கள் 18 முதல் 24 வயதுடைய, கொழும்பைச் சேர்நதவர்கள் என்று பொலீசார் தெரிவிக்கின்றனர். கைதான 17 பேரிடமும் சுமார் 20 gக்கும் அதிக கொக்கேய்ன் கைப்பற்றப்பட்டுள்ளதாக பொலிஸார் தெரிவித்தனர்.

மாத்தறை குற்றத்தடுப்பு பிரிவினருக்கு கிடைத்த தகவலின் அடிப்படையில் நேற்றைய தினம் மதியம் மேற்கொண்ட சுற்றிவளைப்பின் போதே குறித்த நபர்கள் கைது செய்யப்பட்டுள்ளனர். மேலும் இந்த சம்பவம் தொடர்பாக விசாரணைகளை மாத்தறை பொலிஸார் மேற்கொண்டு வருகின்றனர்.