பிரதமர் ரணில், மலையகத்திற்கு விஜயம்

பிரதமர் ரணில் விக்ரமசிங்க, மலையகத்திற்கான விஜயமொன்றை மேற்கொள்ளவுள்ளதாக, தெரிவிக்கப்பட்டுள்ளது.

அதன்படி இன்றைய தினம் காலை 10 மணிக்கு பிரதமர் பொகவந்தலாவைக்கு விஜயம் செய்யவுள்ளார்.

பொகவந்தலாவையில் அமைக்கப்பட்டுள்ள புதிய வீடுகளை மக்களிடம் பாரப்படுத்தும், நிகழ்வில் கலந்து கொள்வதற்காகவே அவர் இந்த பயணத்தை மேற்கொள்ளவுள்ளார்.

இந்திய அரசாங்கத்தின் நிதி ஒதுக்கீட்டின்கீழ் 155 மில்லியன் ரூபாய் செலவிலும், தோட்ட உட்கட்டமைப்பு, சமுதாய அபிவிருத்தி அமைச்சர் பழனி திகாம்பரத்தின் 20 மில்லியன் ரூபாய் நிதியொதுக்கீட்டின் மூலம் இந்த வீடுகள் அமைக்கப்பட்டுள்ளன.

இந்த நிகழ்வில் பிரதமருடன், மலைநாட்டு புதிய கிராமங்கள் அபிவிருத்தி அமைச்சர் பழனி திகாம்பரம் உள்ளிட்ட அரசியல் பிரமுகர்கள், பொதுமக்கள் என பலரும் கலந்து கொள்ளவுள்ளனர்.