2019 ம் ஆண்டுக்கான பாதீட்டு சட்டமூலம் சமர்ப்பிப்பு - பாதுகாப்பு அமைச்சுக்கு அதிக நிதி ஒதுக்கீடு

நடப்பாண்டுக்கான பாதீட்டு ஒதுக்கீட்டு சட்ட மூலம் நேற்று நாடாளுமன்றத்தில் சமர்ப்பிக்கப்பட்டுள்ளது. சபை முதல்வர் லக்ஷ்மன் கிரியெல்லவினால் சமர்பிக்கப்பட்ட சட்ட மூலத்தில் மொத்த செலவீனமாக 4550 பில்லியன் ரூபாய்கள் ஒதுக்கப்பட்டுள்ளன.

2200 பில்லியன் ரூபா, மீள கடன் மற்றும் வட்டி செலுத்துவதற்கு ஒதுக்கீடு செய்யப்பட்டுள்ளது. அரச துறை மறுசீரமைப்பு செலவிற்காக 838 பில்லியன்கள் ஒதுக்கப்பட்டுள்ளன.

இவைதவிர, பிரதமர் அலுவலகத்திற்காக 2 பில்லியன் ரூபாவும் பிரதமருக்கு கீழ் இயங்கும் அமைச்சுக்களுக்காக 98 பில்லியன் ரூபாவும் ஒதுக்கப்பட்டுள்ளது.

இந்த வருடமும் பாதுகாப்பு அமைச்சுக்கு அதிக பணம், ஒதுக்கீடு செய்யப்பட்டுள்ளது. பாதுகாப்பு அமைச்சுக்காக 393 பில்லியன்கள் ஒதுக்கப்பட்டுள்ளன. இவற்றோடு சுகாதார அமைச்சுக்கு 187 பில்லியன் ரூபாவும், கல்வி அமைச்சுக்காக 105 பில்லியன் ரூபாவும் ஒதுக்கப்பட்டுள்ளது.