றக்பி வீரரின் மரணம் குறித்து, பல்வேறு கோணத்தில் விசாரணை முன்னெடுக்கப்படும்...

கொழும்பில் உள்ள இரவு நேர கேளிக்கை விடுதியில் வைத்து, றக்பி வீரர் ஒருவர் மரணித்தமை தொடர்பிலான விசாரணைகள் ஆரம்பிக்கப்பட்டுள்ளதாக, காவல்துறை ஊடக பேச்சாளர் ருவான் குணசேகர குறிப்பிட்டார்.

நேற்றைய தினம் மேற்படி கேளிக்கை விடுதியில் பளு தூக்கியொன்று முறிந்து வீழ்ந்த நிலையில், அங்கிருந்த றக்பி வீரர் பலியானார். கேளிக்கை விடுதியின் கவனயீனத்தாலேயே இந்த மரணம் சம்பவித்ததாக தெரிவித்த காவல்துறை ஊடக பேச்சாளர், இந்த மரணத்தின் விசாரணைகள் பல்வேறு கோணங்களில் இடம்பெறும் என கூறினார்.

அத்துடன் பளு தூக்கியை பராமரிக்கும் நிறுவனத்திடம், இது குறித்து வாக்குமூலம் பெறப்பட்டுள்ளதாகவும், அவர் கூறினார்.