ஐக்கிய தேசிய கட்சியில் இணைந்திருப்பதில், எந்தவித பயனும் இல்லை... மஹிந்த..

ஐக்கிய தேசிய கட்சியின் அண்மைய செயல்பாடுகள், அக்கட்சியை சேர்ந்த பாராளுமன்ற உறுப்பினர்களுக்கே கடும் கோபத்தைத் தோற்றுவித்துள்ளதாக, முன்னாள் ஜனாதிபதி மஹிந்த ராஜபக்ச கூறியுள்ளார்.

ஐக்கிய தேசிய கட்சியின் தலைமையின் செயல்பாடுகளாலேயே, தற்போது நாட்டில் இதுவரை காலமும் இல்லாத அளவுக்கு அரசியல் குழப்பம் ஏற்பட்டதாக மஹிந்த தெரிவித்துள்ளார். அத்துடன் எதிர்வரும் தேர்தலில் ஐக்கிய தேசிய கட்சி தோல்வியடைப் போவதாக எதிர்வு கூறிய மஹிந்த ராஜபக்ச, அக்கட்சியின் உறுப்பினர்கள் தொடர்ந்து கட்சியில் இருப்பது குறித்து, சிந்தித்து செயல்பட வேண்டும் எனவும் தெரிவித்தார்.

அனுராதபுரம் ஜய ஸ்ரீ மகா போதியில் இடம்பெற்ற சமய வழிபாடுகளில் கலந்து கொண்ட பின்னர், முன்னாள் ஜனாதிபதி மஹிந்த ராஜபக்ச இந்த கருத்தை வெளியிட்டார்.