தீர்வையற்ற வாகனம் கோரிச்சென்ற விக்கிக்கு அடித்தார் மங்கள ஆப்பு!

முன்னாள் நீதியரசர் விக்கினேஸ்வரன் எம் மக்களுக்கு சலுகைகள் வேண்டாம் உரிமைதான் வேண்டும் என்று அபிவிருத்திக்கென ஒதுக்கப்பட்ட நீதியை திறைசேரிக்கு திருப்பி அனுப்பி மா பெரும் தேசியவாதியாக உயர்ந்து நிற்கின்றார்.

ஆனாலும் மக்களுக்கு சலுகைகள் வேண்டாம் என்ற விக்கி தனக்கு வாகனவரிச் „சலுகை" வேண்டும் என்று அமைச்சரவையை கேட்டுள்ளார்.

வடமாகாண முதலமைச்சர் சி.வி. விக்னேஸ்வரனுக்கு, தீர்வையற்ற வாகனம் வழங்கப்பட வேண்டும் என்று, அமைச்சர் பைஸர் முஸ்தபா அமைச்சரவைப் பத்திரத்தை, சமர்பித்துள்ளார் இதனூடாக விக்கிக்கும் அரசிற்கும் இடையேயான பின்கதவு உறவு அம்பலமாகியுள்ளது.

இங்கு மக்கள் கவனத்தில் எடுக்கவேண்டிய விடயம் யாதெனில், ஏனைய மாகாண முதலமைச்சர்களுக்கு வழங்கப்பட்ட தீர்வையற்ற வாகன சலுகையை ஒத்த சலுகை வழங்கப்பட்டபோது, வடமாகாண முதலமைச்சர் சி.வி. விக்னேஸ்வரன் அதை ஏற்க மறுப்புத் தெரிவித்திருக்கின்றார்.

மற்றவர்களுக்கு வழங்கப்படும் சலுகையைவிட சற்று வித்தியாசமான சலுகைக்கான கோரிக்கையை அமைச்சரவை ஏற்றுக்கொண்ட போதிலும், நிதியமைச்சர் மங்கள சமரவீர, வாகனக் கொள்வனவு தொடர்பான தன்னுடைய அறிக்கையை மீறும் இந்தக் கோரிக்கையை ஏற்றுக்கொள்ள முடியாது என்று கருத்தை வலியுறுத்தினார். அமைச்சர் மங்களவின் இந்த எதிர்ப்பையடுத்து, வடமாகாண முதலமைச்சருக்கான தீர்வையற்ற வாகனக் கோரிக்கையை, அமைச்சரவை நிராகரித்துள்ளது.