இலங்கையில் உருவாகின்றது தனியார் மருத்துவ பீடங்கள் பல!

தற்போது மாலம்பே தனியார் மருத்துவப் பாடசாலை அனைத்துத் தகுதிகளையும் பெற்றிருப்பதால் அதற்கு அனுமதியைப் பெற்றுக் கொடுப்பற்கு இலங்கை மருத்துவ சபை முன்வரவேண்டிய நிலையில் இருப்பதாக உயர்கல்வி அமைச்சர் எஸ்.பீ. திசாநாயக்க குறிப்பிடுகின்றார்.

பல்கலைக் கழக மானியங்கள் ஆணைக்குழுவினால் குறிப்பிடப்பட்டிருந்த அனைத்துத் தகுதிகளையும் அவ் மருத்துவப் பல்கலைக்கழகம் பூர்த்தி செய்துள்ளது எனவும் அமைச்சர் குறிப்பிட்டார்.

மாலம்பே தனியார் மருத்துவப் பாடசாலையிலுள்ள மாணவர்கள் கொழும்பு மற்றும் இதர பகுதிகளிலுள்ள தனியார் மருத்துவ நிலையங்களில் செயன்முறைப் பயிற்சியில் ஈடுபட்டு வருகின்றார்கள் எனவும் அமைச்சர் தெளிவுறுத்தினார்.

இலங்கையில் மேலும் பல தனியார் மருத்துவ பீடங்கள் பல ஆரம்பிப்பதற்கான ஆரம்பக் கட்ட நடவடிக்கைகள் நடைபெற்றுவருவதாகவும் அமைச்சர் குறிப்பிட்டார்.

(கேஎப்)