பொலிஸ் அதிகாரங்கள் வழங்கப்பட மாட்டாது!

வடக்கு கிழக்கு மாகாண சபைகளுக்கு பொலிஸ் அதிகாரங்கள் வழங்கப்பட முடியாது என அரசாங்கம் மீண்டும் தெரிவித்துள்ளது.

வெளிநாட்டலுவல்கள் அமைச்சர் பேராசிரியர் ஜீ.எல். பீரிஸ் சர்வதேச பாதுகாப்பு மாநாடொன்றில் கலந்து கொண்டு உரையாற்றும்போது, 13 ஆவது திருத்தச் சட்டத்தின் கீழ் மாகாண சபைகளுக்கு போதியளவு அதிகாரங்கள் உள்ளன எனக் குறிப்பிட்டுள்ளார்.

வடக்கில் வாழ்கின்ற மக்களுக்கு 13 ஆவது திருத்தச் சட்டத்தின் மூலம் எதுவும் செய்யவியலாது என வட மாகாண சபை அர்த்தமற்ற கூக்குரல் இடுகின்றது எனவும் அவர் தெளிவுறுத்தியுள்ளார்.

பொலிஸ் அதிகாரம் அல்லாமல் ஏனைய அனைத்து அதிகாரங்களையும் போதியளவு பெற்றுக் கொடுத்துள்ளோம் எனவும், அதனால் 13 ஆவது திருத்தச் சட்டத்தை மீண்டும் நடைமுறைப்படுத்துமாறு கோருவது ஏற்றுக்கொள்ள முடியாததாக இருப்பதாகவும், நடைமுறையிலுள்ளதை செயற்படுத்துவதே உசிதமான காரியம் எனவும் வெளிநாட்டலுவல்கள் அமைச்சர் குறிப்பிட்டுள்ளார்.

(கலைமகன் பைரூஸ்)