வடமாகாண முதலமைச்சர் சி.வி.விக்கினேஸ்வரன் வைத்தியசாலையில் போய் படுத்தது ஏன்? வெளிச்சத்துக்கு வந்த உண்மைகள்

தமிழ் மக்களிடையே சிங்கள அரசுக்கு எதிராக இனவாத கருத்துக்களை தேர்தல் மேடைகளில் அள்ளி வீசி ஜனபதிபதி மகிந்த ராஜபக்ஸவை சர்வதேச நீதிமன்றில் நிறுத்துவதற்கான தருணம் இது தான் என கத்தியே அமோக வெற்றியை தமிழ் தேசியக் கூட்டமைப்பு பெற்றிருந்தது. ஆனால், தேர்தல் முடிந்ததும் நிலமைகள் தலைகீழாக மாறி சிங்கள அரசுடன் கட்டித் தழுவி முத்தமிடும் கூட்டங்கள் ஆக கூட்டமைப்பு மாறியது. எதிர்பார்ப்புகளின் மத்தியில் மக்களிடம் இடம்பிடித்த முதலமைச்சர் சி.வி.விக்கினேஸ்வரன் அரசுடன் நெருக்கமான உறவு நிலையில் இருக்கின்றார்.

அதனை தடுக்க கூட திராணியற்றவர்களாக தான் கூட்டமைப்பினர் இருக்கின்றனர். இது இவ்வாறு இருக்க ஜனாதிபதி முன்னிலையில் முதலமைச்சர் பதவிப்பிரமாணம் செய்த போது பொதுநலவாய மாநாட்டிலும் அமைச்சரவைக் கூட்டத்திலும் முதலமைச்சர் சி.வி.விக்கினேஸ்வரன் அவர்களை கலந்து கொள்ளுமாறு ஜனாதிபதி கேட்டிருந்தார். அதற்கு ஓம் என விக்கியும் கூறிவிட்டார்.

இதன் பின் அமைச்சுப் பொறுப்பை பெறுவதற்காக மீண்டும் ஜனாதிபதியிடம் சென்ற முதலமைச்சர் தனது வரவை உறுதிப்படுத்தியும் உள்ளார். இவ் விடயம் தொடர்பில் ஊடகங்கள் கருத்து வெளியிட்டதும் மாவை சேனாதிராஜா போன்ற கூட்டமைப்பினர் முதலமைச்சர் பொதுநலவாய மாநாட்டுக்கும் அமைச்சரவைக் கூட்டத்திற்கும் செல்லக் கூடாது என தீர்மானம் எடுத்து கட்சித் தலைவர்கள் ஊடகங்களுக்கம் அறிக்கை விட்டிருந்தனர். இது தொடர்பில் மாவையும் முதலமைச்சரும் முரண்பட்டுக் கொண்டமையும் தன்னை யாரும் கட்டுப்படுத்தக் கூடாது என முதலமைச்சர் கூறியிருந்தமையையும் எமது இணையம் வெளிப்படுத்தியிருந்தது.

இவ்வாறான குழப்ப நிலைக்கு மத்தியில் ஜனாதிபதி மகிந்த தலைமையில் நேற்றையதினம் அமைச்சரவை கூட்டம் ஏற்கனவே தீர்மானிக்கப்பட்டபடி நடந்தது. அதில் முதலமைச்சர்களும் கலந்து கொண்டனர்.

இந் நிலையில் என்ன செய்வதென்று தெரியாது தடுதளித்த முதலமைச்சர் பொய் சொல்லத் தெரியாத நீதிபதி ஆச்சே. உடனடியாக யாழ் வைத்தியசாலை வைத்தியர்களிட்ட போய் எனக்கு செக்கப் செய்யங்கள். ஏலாமல் இருக்கு. அது மட்டும் நான் இங்கேயே இருக்கிறன் என்று சொல்லிட்டாராம்.

இதால இரண்டு தரப்பிட்டையும் நல்ல பேர் எடுத்திட்டார். சுகயீனம் காரணமாக தான் அமைச்சரவை கூட்டத்திற்கு வரமுடியவில்லை என ஜனாதிபதியிடம் போனில் சொல்லிட்டாராம். தான் கூட்டமைப்பு தீர்மானித்த படி அமைச்சரவை கூட்டத்திற்கு போகேல என்று கூட்டமைப்புக்காரரிட்ட சொல்லுறாராம்.

போற போக்கப் பார்த்தால் இந்த மாதம் பொதுநலவாய மாநாடு நடைபெறவுள்ளதால் முதலமைச்சர் மாநாட்டுக்கு செல்ல வேண்டும் அல்லது மீண்டும் வைத்தியசாலையில் போய் படுக்க வேண்டி ஏற்படும் என அவதானிகள் கூறுகின்றனர்.

இப்படி எத்தனை வித்தை எமது முதலமைச்சர் காட்டப் போறார் என்று பாருங்கவன்.