விசேட தேவைக்குட்பட்ட 16 வயது சிறுமியை துஸ்பிரயோகம் செய்த 65 வயது முதியவர் கைது

வவுனியா செட்டிகுளம் வீடியா பாம் கிராமத்தில் விசேட தேவைக்குரிய 16 வயதுடைய சிறுமியை துஷ்பிரயோகம் செய்தார் என்ற சந்தேகத்தில் 65 வயதுடைய வயோதிபர் செட்டிகுளம் பொலிஸாரால் கைது செய்யப்பட்டுள்ளதாக வவுனியா மாவட்ட சிறுவர் உரிமை மேம்பாட்டு அதிகாரி ஜெ. ஜெயக்கெனடி தெரிவித்தார்.

விசேட தேவைக்குரிய இச் சிறுமி வீட்டில் தனியாக இருந்தபோதே இவ் வயோதிபர் துஸ்பிரயோகம் செய்துள்ளதாக தனக்கு முறைப்பாடு கிடைக்கப்பெற்றுள்ளதாகவும் இதனையடுத்து செட்டிகுளம் பொலிஸாருக்கு வழங்கப்பட்ட முறைப்பாட்டின் பிரகாரம் சந்தேகநபரை நேற்று முன்தினம் மாலை பொலிஸார் கைது செய்துள்ளதாகவும் தெரிவித்தார்.