தங்கத்தின் விலையில் தொடர் சரிவு

உலக சந்தையில் தங்கத்தின் விலை தொடர்ந்தும் வீழ்ச்சியடைந்து வருவதால் இலங்கையில் இன்று 24 கரட் தங்கம் ஒரு பவுண் 45,800 ரூபாவிற்கு விற்பனை செய்யப்படுவதாக தேசிய இரத்தினம் மற்றும் ஆபரண அதிகார சபையின் தங்க தர பிரிவு ஆலோசகர் சிறிசந்திர எதிரிசிங்க தெரிவித்துள்ளார்.

அத்துடன், 22 கரட் தங்கம் ஒரு பவுண் 41,000 ரூபாவிற்கு விற்பனை செய்யப்படுவதாக குறிப்பிட்ட அவர் இறக்குமதி செய்யப்படும் தங்கத்திற்கு 10 சதவீத வரி அறவிடப்படுவதால் இலங்கையில் தங்கத்தின் விலை ஒரு நிலையான அளவில் இருக்கும் என அவர் குறிப்பிட்டார்.