வீட்டு பணிப்பெண்களுக்கான ஆகக்குறைந்த கொடுப்பனவு 900 ரியாலாக ஆக அதிகரிப்பு

வீட்டு பணிப்பெண்களுக்கு இதுவரை வழங்கப்பட்ட 750 சவுதி கொடுப்பனவு தொள்ளாயிரம் சவுதி ரியாலாக அதிகரிக்கப்பட்டுள்ளது எனவும், இத்திட்டத்திற்கு அப்பால், பணிப்பெண்களுக்கு இலவச விமான சீட்டுக்கள், உணவு, இருப்பிட வசதிகள் மற்றும் பாதுகாப்பு வசதிகள் பெற்றுக் கொடுக்கப்பட வேண்டுமென, வேலைவாய்ப்பு முகவர் நிறுவனங்களுக்கு அறிவுறுத்தப்பட்டுள்ளது என அமைச்சர் டிலான் பெரேரா தெரிவித்துள்ளார்.

இதுவரை வீட்டுப்பணிப் பெண்களாக அழைக்கப்பட்டு வந்த பதவியை தற்போது வீட்டு பராமரிப்பாளர்கள் என மாற்றுவதற்கு அமைச்சர் டிலான் பெரேரா நடவடிக்கை மேற்கொண்டுள்ளார்.

இவ்வாறு பதவியின் பெயர் மாற்றப்பட்டுள்ளதால் பணிப்பெண்களுக்கு சமூகத்தின் மத்தியில் மதிப்பு ஏற்படுமெனவும் அவர்களது ஊதியமும் அதிகரிக்குமென அமைச்சர் தெரிவித்தார்.

முதல் கட்டத்தில் சவுதி அரேபியாவில் பணியாற்றும் பெண்களின் பதவிகளே இவ்வாறு மாற்றப்படவுள்ளன. அடுத்த மாதம் முதல் ஏனைய நாட்டு பணிப் பெண்களின் பதவிகளின் பெயர்களும் மாற்றப்படவுள்ளன.