சூதாட்ட நிலையம் சுற்றிவளைப்பு! 80பேர் கைது!

சட்டவிரோத சூதாட்ட நிலையமொன்றில் நேற்று இரவு மேற்கொள்ளப்பட்ட சோதனை நடவடிக்கையின்போது சுமார் 80 பேர் கைதுசெய்யப்பட்டுள்ளதாக பொலிஸார் தெரிவித்துள்ளனர். கொழும்பு 7 இல் அமைந்துள்ள சூதாட்ட நிலையமே இவ்வாறு சுற்றிவளைக்கப்பட்டுள்ளது.

நீதிமன்றத்தினால் பிறப்பிக்கப்பட்ட தேடுதல் ஆணையுடன் இச்சோதனை நடவடிக்கை மேற்கொள்ளப்பட்டது. சூதாட்டத்தில் ஈடுபட்டதாகக் கூறப்படும் 80 பேர் கைதுசெய்யப்பட்டனர். இதேவேளை, செல்லுபடியாகக்கூடிய அனுமதிப்பத்திரமின்றி சட்டவிரோதமாக சூதாட்ட நிலையத்தை நடத்தியதாகக் கூறப்படும் மூவரும் கைதுசெய்யப் பட்டுள்ளனர்.