அனுறுத்திகவின் கருத்து பாரிய பிரச்சினைக்குரியதாம்! அவரிடம் CID விசாரணை நடாத்த வேண்டுமாம்!

அனுறுத்திக பெர்னாண்டோவின் கருத்து தொடர்பில், அவரிடம் குற்றப் புலனாய்வு பிரிவினர் விசாரணை நடாத்த வேண்டும் என ஐக்கிய தேசியக் கட்சியின் பாராளுமன்ற உறுப்பினர் ஹரீன் பெனாண்டோ தெரிவித்துள்ளார். கொழும்பில் இடம்பெற்ற ஊடகவியலாளர் சந்திப்பிலேயே ஹரீன் பெனாண்டோ அவ்வாறு தெரிவித்துள்ளார்.

அத்துடன், அனுறுத்திக பெர்னாண்டோவின் இக்கருத்து பாரிய பிரச்சினைக்குரியது என்பதால் அவரிடம் விசாரணை நடாத்த வேண்டும் எனவும், இக்கருத்து குறித்து அரசாங்கம் தனது நிலைப்பாட்டை தெரிவிக்க வேண்டும் எனவும் ஹரீன் தெரிவித்துள்ளார்.

காணாமல் போனார் என தெரிவிக்கப்பட்ட, லங்கா ஈ நியூஸ் செய்திச்சேவையின் ஊடகவியலாளரான பிரகீத் எக்னெலிகொட, என்பவர் தனது மனைவியுடன் பிரான்ஸில் வசித்து வருகின்றார் எனவும் ஒருமுறை குறித்த ஊடகவியலாளரை சந்தித்துள்ளதாகவும் அனுறுத்திக பெர்னாண்டோ பாராளுமன்றத்தில் தெரிவித்தமை குறிப்பிடத்தக்கது.