குழந்தைளை அலர்ஜிக் நோயிலிருந்து பாதுகாக்க வேண்டுமா? சிறுவயதிலேயே குழந்தைகளுக்கு........

மீன் சாப்பிடும் குழந்தைகள் பிற்காலத்தில் ஒவ்வாமை (அலர்ஜி) நோய்களுக்கு ஆளாகமாட்டார்கள் என விஞ்ஞானிகளின் தெரிவித்துள்ளனர். குழந்தைகளின் உணவு பழக்கவழக்கள் தொடர்பில் ஆய்வு செய்த விஞ்ஞானிகள் சிறுவயதில் மீன் சாப்பிட்ட குழந்தைகள் 12 வயதிற்கு மேல் அலர்ஜிக்கினால் பாதிக்கப்படாமல் இருந்ததைக் கண்டறிந்துள்ளனர். அத்துடன் இத்தகைய குழந்தைகளுக்குத் தோல்நோய் வருவது 22 சதவிகிதமும், தூசியினால் வரும் சளிக்காய்ச்சல் 26 சதவிகிதமும் குறைந்திருந்தன எனவும் கண்டறிந்துள்ளனர்.

அத்துடன் ஒரு மாதத்திற்கு இரண்டு அல்லது மூன்று முறை குழந்தைகளுக்கு மீன் கொடுத்தால் அவர்கள் அலர்ஜிப் பிரச்சினை இல்லாமல் இருப்பார்கள் என்று தெரிவிக்கப்பட்டுள்ளது.

மீன் உணவு கொடுப்பது நான்கு வயது வரை மட்டுமே பலனளிக்கும் என்று முந்தைய ஆராய்ச்சியின் மூலம் தெரிவிக்கப்பட்டுள்ளது. இருப்பினும் சுவீடன் நாட்டில் உள்ள கரோலின்ஸ்கா நிறுவனத்தின் வல்லுனர்கள் 1 வயது, 2 வயது,4 வயது 8 வயது மற்றும் 12 வயதுகளின் அடிப்படையில் குழந்தைகளை அவர்களின ஆய்வு செய்தனர்.

இவ்வாய்வுக்கிணங்க, இவர்களில் 80 சதவிகிதம் பிள்ளைகள் குறைந்தது மாதம் இரண்டு முறை மீன் உட்கொள்ளுபவர்களாக இருந்தார்கள் எனவும் இவர்கள் மற்ற குழந்தைகளைவிட ஆரோக்கியத்தில் வளர்ச்சி உடையவர்களாக காணப்பட்டார்கள் என விஞ்ஞானிகள் தெரிவித்துள்ளனர்.