மைக்கேல் ஜாக்சனின் கடைசி மகள் தற்கொலைக்கு முயற்சி! உயிருக்கு ஆபத்தான நிலையில் வைத்தியசாலையில் அனுமதி

உலகப் புகழ் பெற்ற பாப் இசை பாடகர் மைக்கேல் ஜாக்சனின் கடைசி மகள் பாரிஸ் ஜாக்சன் (15வயது) கை மணிக்கட்டை அறுத்துக்கொண்டு தற்கொலை முயற்சியில் ஈடுபட்டு, உயிருக்கு ஆபத்தான நிலையில் கலிபோர்னியா வைத்தியசாலையில் அனுமதிக்கப்பட்டுள்ளார் என பொலிஸார் தெரிவித்துள்ளனர்.

அமெரிக்காவின் உள்ளூர் நேரப்படி, அதிகாலை 1.27 மணியளவில் "911" அவசர உதவி பிரிவுக்கு தகவல் வந்ததாகவும், 2.00 மணியளவில் கலபாசஸ் பகுதியில் இருந்து அவரை ஆம்புலன்சில் அழைத்து வந்து வைத்தியசாலையில் அனுமதித்ததாகவும், பொலிஸார் தெரிவித்துள்ளனர்.

அத்துடன் தனது "டிவிட்டர்" ல் கருத்து தெரிவித்திருந்த பாரிஸ் ஜாக்சன், "எனது துன்பங்கள் எல்லாம் என்னை விட்டு நீங்கிவிட்டன என்று நினைத்திருந்தேன். ஆனால், அவை இன்னும் என்னை விட்டு விடைபெறவில்லை" என எழுதியிருந்தார்.