பஸ்ஸிற்குள் வைத்து துஷ்பிரயோக முயற்சி! பஸ் சாரதி மற்றும் நடத்துனருக்குத் தண்டம்!

பெண் ஒருவரை பஸ்சிற்க்குள் வைத்து துஷ்பிரயோ கத்திற்கு உட்படுத்துவதற்கு முயற்சித்த பஸ் சாரதிக்கும், பஸ் நடத்துனருக்கும் தலா 5000 ரூபா தண்டம் விதிக் கப்பட்டுள்ளது. பொலநறுவை மற்றும் மின்னேரியாவை சேர்ந்த இருவருக்கே இவ்வாறு தண்டம் விதிக்கப் பட்டுள்ளது.

சம்பவம் தொடர்பாக தெரியவருவதாவது, பொலநறுவை வைத்தியசாலையில் கடமையாற்றும் வைத்தியசாலை ஊழியர் ஒருவர் பொலநறுவையிலிருந்து கொழும்புக்கு வந்த வேளையில், பஸ் சாரதியும் பஸ் நடத்துனரும் குறித்த பெண்ணுடன் சேஷ்டை விட்டுள்ளதுடன், அவரை பஸ்க்குள் வைத்து துஷ்பிரயோகத்திற்கு உட்படுத்துவதற்கும் முயற்சித்துள்ளனர்.

அவ்வேளை குறித்த பெண் அவ்விருவரிடமிருந்தும் தப்பிச்சென்று, சம்பவம் தொடர்பாக அருகிலுள்ள பொலிஸ் நிலையத்தில் முறைப்பாடு செய்துள்ளார். இதனையடுத்து பஸ்ஸின் சாரதி, மற்றும் நடத்துனரை கைது செய்த பொலிஸார், அவர்களை கொழும்பு நீதவான் நீதிமன்றத்தில் ஆஜர்படுத்திய போது, அவ்விருவரும் தமது குற்றத்தை ஒப்புக்கொண்டனர். இதனைதையடுத்து அவ்விருவரும் தண்டம் செலுத்த வேண்டுமென நீதவான் உத்தரவிட்டார்.