மயக்கமுற்று விழுந்திருந்த வயோதிப மாதுவை பாலியல் துஷ்பிரயோகம் செய்தவர் கைது!

மயக்கமுற்று விழுந்திருந்த 68 வயதுடைய திருமணமாகாத வயோதிப மாதுவை பாலியல் துஷ்பிரயோகத்திற்கு உட்படுத்திய ஒருவரை கைது செய்துள்ளதாக தம்புள்ளை பொலிஸார் தெரிவித்தனர்.

சம்பவம் தொடர்பாக தெரியவருவதாவது, குறித்த வயோதிப மாது தனது வீட்டில் மயக்கமுற்று விழுந்திருந்தபோது, மதுபோதையில் வீட்டுக்குள் நுழைந்த சந்தேக நபர் குறித்த வயோதிப மாதுவை பாலியல் துஷ்பிரயோகத்திற்கு உட்படுத்தியதாகவும், மயக்கம் தெளிந்து பார்த்த போது சந்தேக நபர் தலைமறைவாகி விட்டதாகவும், குறித்த வயோதிப மாது தனது முறைப்பாட்டில் தெரிவித்துள்ளார்.

வயோதிப மாதுவின் முறைப்பாட்டிற்கிணங்க சந்தேக நபரை கைது செய்த பொலிஸார் அவரை தம்புள்ளை மஜிஸ்திரேட் நீதிமன்றத்தில் ஆஜர் படுத்தியபோது, சந்தேக நபரை எதிர்வரும் 18ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.

குறித்த சந்தேக நபர் 48 வயதுடைய இரண்டு பிள்ளைகளின் தந்தை என்பது குறிப்பிடத்தக்கது.