பாதிக்கப்பட்ட மக்களுக்கு அடிப்படை வசதிகளை செய்துதர முடியுமே தவிர, அரசியல் பிரச்சினைகளில் தலையிட்டு.... பாரதீய ஜனதா கட்சி

யுத்தத்தினால் பாதிக்கப்பட்ட மக்களுக்கு தேவையான அடிப்படை வசதிகளை செய்து தருவதற்கு இந்தியா தயாராக உள்ள அதேவேளை, யுத்தத்தினால் பாதிக்கப்பட்ட மக்களுக்கான அரசியல் பிரச்சினைகளில் இந்தியா தலையிட்டு தீர்க்க முடியாது என பாரதீய ஜனதா கட்சி தூதுக்குழுவின் தலைவர் ரவிசங்கர் பிரசாத் தெரிவித்துள்ளதாக இந்திய ஊடகங்கள் செய்தி வெளியிட்டுள்ளன.

ஆறு உறுப்பினர்களை கொண்ட இந்தியக்குழு வடக்கிலுள்ள அரசு பிரதிநிதிகள், எதிர்க்கட்சி உறுப்பினர்கள், படைத்தரப்பினர், சமூகக்குழுக்களின் உறுப்பினர்கள் என்று பல தரப்பையும் சந்தித்து இலங்கையின் நிலைப்பாடுகளை தெரிந்து கொண்டனர் என அந்த செய்தியில் தெரிவிக்கப்பட்டுள்ளது.

தமிழ் மக்களின் பிரச்சினைகளைப்பற்றி முழுதாக தெரிந்துகொள்ள ஆர்வம் காட்டிய குழுவினர் த.தே.கூட்டமைப்பு உறுப்பினர்களை சந்தித்து பேச்சுவார்த்தை நடத்தியதாகவும் அந்த செய்தியில் மேலும் தெரிவிக்கப்பட்டுள்ளது.