பிரதி பொலிஸ் மா அதிபரிடம் குற்றப்புலனாய்வு பிரிவினர் விசாரணை! கொலைச் சந்தேகத்தின் பேரில் பொலிஸார் மூவர் கைது

பம்பலப்பிட்டியில் வர்த்தகர் ஒருவர் கடத்தப்பட்டு கொலை செய்யப்பட்ட சம்பவம் தொடர்பில் கொழும்பு வடக்கு பிரதி பொலிஸ் மா அதிபர் வாஸ் குணவர்தனவிடம் குற்றப்புலனாய்வு பிரிவினர் விசாரணைகளை மேற்கொண்டுள்ளதாக தெரிவிக்கப்படுகின்றது.

அத்துடன் இக்கொலைச் சம்பவம் தொடர்பில் சந்தேகத்தின் பேரில் மூன்று பொலிஸ் உத்தியோகத்தர்கள் கைது செய்யப்பட்டுள்ளனர். உப பொலிஸ் இன்ஸ்பெக்டர் ஒருவரும் இரண்டு பொலிஸ் கான்ஸ்ரபிள்களும் இந்த சம்பவம் தொடர்பில் கைது செய்யப்பட்டுள்ளதாக, பொலிஸ் ஊடகப் பேச்சாளரும் பொலிஸ் அத்தியட்சகருமான புத்திக சிறிவர்தன தெரிவித்துள்ளார்.

தொம்பே பகுதியில் வர்த்தகர் கடத்திக் கொலைசெய்யப்பட்டமை தொடர்பான முதற்கட்ட விசாரணைகள் கொழும்பு குற்றத் தடுப்புப் பிரிவினரால் முன்னெடுக்கப்பட்டுவரும் நிலையில் நேற்று இவர்கள் கைது செய்யப்பட்டதாக பொலிஸ் ஊடகப் பேச்சாளர் தெரிவித்துள்ளார்.