விமனத்தில் ஏற்பட்ட கோளாறினால் பரசூட் மூலம் விமானத்தை தரையிறக்கிய 76 வயது விமானி!

இங்கிலாந்தின் செல்டன்ஹம் என்ற இடத்தில் இன்று காலை 10.45 மணியளவில் பறந்து கொண்டிருந்த விமானத்தில் ஏற்பட்ட கோளாறினால் விபத்து ஏற்படுவதற்கு சற்று முன்னர் பரசூட் மூலம் விமானத்தை தரையிறக்கி சிறுகாயங்களுடன் தப்பித்துள்ளார் இங்கிலாந்தைச சேர்ந்த 76 வயதான மைக் என்ற விமானி ஒருவர்.

இவ்விபத்தின் போது புத்தியசாதூர்யமாக செயற்பட்ட விமானி பரசூட் மூலம் தரையிறக்க முயற்சித்ததில் அப்பகுதியிலிருந்த வீட்டுத் தோட்டமொன்றில் விமானம் வீழ்ந்துள்ளது. இது குறித்த வீட்டின் உரிமையாளர் திருமதி. டீன் கூறுகையில், விபத்தின் போது நான் வீட்டிற்குள்ளே இருந்தேன். ஆனால் நான் சத்தத்தை மட்டுமே கேட்டேன். விபத்தினை காணவில்லை எனக்குறிப்பிட்டார்.

நல்லவேளை விமானம் வீட்டிற்குள் புகுந்துவிடவில்லை இதனால் நான் என்னை ஒரு அதிர்ஷ்டகாரியாக உணர்கிறேன் எனத் தெரிவித்துள்ளார். இதேவேளை விபத்து நடந்த சம்ப இடத்திற்கு அவசர உதவி அதிகாரிகள் விரைந்து விமானியை விமானத்திலுருந்து பாதுகாப்பாக வெளியில் எடுத்துள்ளார்.

சிறு காயங்களுடன் தப்பிய விமானிக்கு அவசர உதவிப்படை மருந்திட்டுள்ளது. குறித்த விபத்து நடைபெற்ற இடத்திலிருந்து 2.5 மைல் தொலைவிலேயே விமான நிலையம் அமைந்துள்ளது. மேலும் விபத்துக்குள்ளான விமானம் 665600 அமெரிக்க டொலர்கள் பெறுமதியானது எனக் தெரிவிக்கப்படுகின்றது.