பனையுடன் மோதிய பஸ் 6 பேர் படுகாயம்!

கொழும்பில் இருந்து யாழ்ப்பாணம் நோக்கி பயணித்துக் கொண்டிருந்த குறித்த பஸ் இன்று சனிக்கிழமை அதிகாலை 4 மணியளவில் யாழ் மிருசுவில் பகுதியில் பஸ் பனை மரத்துடன் மோதி விபத்துக்குள்ளானதில் 6 பேர் படுகாயமைந்துள்ளதுடன் பலர் சிறுகாயத்திற்கு உள்ளாகியுள்ளனர்.

இந்த விபத்தில் யாழ். அரியாலை பகுதியைச் சேர்ந்த குணசேகரப்பிள்ளை அருளினி (வயது 39) கணேஸ்வரன் வயது (வயது 45) பிரதீபா (வயது 30) அச்சுவேலி பகுதியைச் சேர்ந்த பாலசுப்பிரமணியம் அஞ்குஜன் (வயது 22) இராசேந்திரம் றுசாந், ஜீவரத்தினம் (வயது 22) ஆர்னோல்ட் பிரசாத் ஆகியோரே படுகாயமடைந்த நிலையில் யாழ். போதான வைத்தியசாலையில் அனமதிக்கப்பட்டுள்ளனர்.

இந்த விபத்து ஏற்பட பஸ் சாரதி கையடக்கத் தொலைபேசியில் உரையாடிக் கொண்டு செலுத்திய போதே இந்த விபத்து ஏற்பட்டதாக பஸ் வண்டியில் பயணம் மேற்கொண்டவர்கள் தெரிவித்தனர் இதே வேளை இவ்விபத்து சம்பவம் தொடர்பாக கொடிகாமம் பொலிஸார் விசாரணை மேற்கொண்டு வருகின்றனர்.