53 வயதான பெண்ணொருவருக்கு மரணதண்டனை! - மேல்நீதிமன்றம்

பொலிஸார் என்னைக் கைது செய்து போதைப் பொருளை பலாத்காரமாக ஊட்டி வாக்குமூலத்தை பெற்றனர் - குற்றவாளி

கொழும்பு கிராண்ட்பாஸ் பகுதியைச் சேர்ந்த 53 வயதான பத்மா என்பவருக்கு கொழும்பு மேல்நீதிமன்றம் மரணதண்டனை விதித்து தீர்பளித்துள்ளது. ஹெரோயின் போதைப் பொருளை வைத்திருந்தமை, விற்பனை செய்தமை பேன்ற குற்றத்திற்காகவே நீதிமன்றம் இவருக்கு மரண தண்டனை விதித்துள்ளது.

கொழும்பு கிராண்ட்பாஸ் "இங்குரு கடே" சந்தியில் வைத்து ஹெரோயின் போதைப்பொருளுடன் இவரை கைது செய்ததாக பொலிஸார் இவர் மீது வழக்கு பதிவு செய்தனர். எனினும் தான் போதைப் பொருள் வைத்திருக்கவில்லை, விற்பனை செய்யவில்லை எனவும், பொலிஸார் தன்னைக் கைது செய்து போதைப் பொருளை ஊட்டி பலாத்காரமாக வாக்குமூலத்தை பெற்று அதனடிப்படையில் வழக்கு தொடர்ந்தார்கள் எனவும், குற்றவாளி தனது குற்றத்தை மறுத்திருந்தார்.

இதனையடுத்து குறித்த வழக்கு விசாரணைக்கு எடுத்துக்கொள்ளப்பட்ட போது, குற்றவாளியினால் மறுக்கப்பட்ட விடயங்கள் சரியான முறையில் உறுதிப்படுத்தப்படாததுடன், குறித்த நபர் மீதான குற்றச்சாட்டு சந்தேகமின்றி நிரூபிக் கப்பட்டதால் நீதவான் இவருக்கு மரண தண்டனை விதித்து தீர்ப்பளித்தார் என தெரிவிக்கப்படுகின்றது.