21 வயது மகள் ஓடிச் சென்று 19 வயது காதலனுடன் பதிவுத் திருமணம்: தாய் தீக்குளிப்பு!

மகள் காதலனுடன் ஓடிச் சென்று பதிவுத் திருமணம் செய்ததை அறிந்த யாழ். வல்வெட்டித்துறைப் பகுதியை சேர்ந்த தாய் உடலில் எண்ணையூற்றி தீ வைத்துத் தற்கொலை செய்து கொண்டுள்ளார்.

இந்த குறித்த பெண்ணின் தந்தை கடந்த ஒரு மாதத்திற்கு முன்னர் தான் இறந்துள்ளார். இந்த நிலையில் 21 வயதுடைய தனது ஒரே மகள் 19 வயது பையனை காதலிப்பதற்கு எதிர்ப்புத் தெரிவித்ததை அடுத்து மகள் தனது 19 வயது காதலனுடன் ஓடிச் சென்றுள்ளார். இதனை தாங்க முடியாது தாய் தன்னைத் தானே தீ மூட்டித் தற்கொலை செய்து கொண்டுள்ளதாக வல்வெட்டித்துறைப் பொலிஸார் தெரிவித்துள்ளனர்.

தீ மூட்டி உயிரிழந்த தாயின் சடலம் மந்திகை வைத்தியசாலையின் சவச்சாலையில் வைக்கப்பட்டுள்ளதுடன் இந்த சம்பவம் தொடர்பாக வல்வெட்டித்துறைப் பொலிஸார் விசாரணைகளை மேற்கொண்டு வருகின்றனர்.