சவூதிஅரேபியாவின் முதலீட்டுடன் 2ஆவது கப்பல் கட்டுமான நிலையம் காலியில்!

சவூதிஅரேபிய முதலீட்டுடன் கப்பல் கட்டுதல் மற்றும் திருத்துதல் தொடர்பான 2ஆவது நிலையம் காலி துறைமுகத்தில் நிர்மாணிக்கப்படவுள்ளதாகவும், அது தொடர்பான புரிந்துணர்வு உடன்படிக்கை இன்றைய தினம் கொழும்பில் கைச்சாத்திடப்படவுள்ளதாக அமைச்சர் ஹாபிஸ் நஷீர் அஹமட் தெரிவித்துள்ளார்.

முதற்கட்டமாக 44 மில்லியன் அமெரிக்க டொலர்கள் முதலீட்டுடன் ஆரம்பிக்கப்படவுள்ள குறித்த வேலைத்திட்டத்தில், ஆயிரத்து 500 நேரடி வேலைவாய்ப்புக்கள் உருவாகுமெனவும், 2ம் கட்டத்தின் போது 110 மில்லியன் அமெரிக்க டொலர்களை முதலிடுவதற்கு சவூதி அரேபியாவின் ஹாதி அஹமட் அல் ஹமாம் நிறுவனம் முன்வந்துள்ளதாகவும், இதன்மூலம் 5 ஆயிரம் நேரடி வேலைவாய்ப்புக்கள் உருவாகுமெனவும் எதிர்பார்க்கப்படுவதாகஅவர் தெரிவித்துள்ளார்.