பாராளுமன்ற உறுப்பினர்கள் 19 பேர் நீதிமன்றத்திற்கு ஆஜராக வேண்டும்! நீதிமன்றம்

ஜூலை மாதம் 19ம் திகதி நீதிமன்றத்தில் ஆஜராக வேண்டுமென, முன்னாள் பாராளுமன்ற உறுப்பினர்கள் 19 பேருக்கு நீதிமன்றம் அழைப்பாணை விடுத்துள்ளது. மாதிவெலையிலுள்ள பாராளுமன்ற உறுப்பினர்களுக்கான உத்தியோகபூர்வ வாஸஸ்தலத்திற்கான வாடகை கட்டணத்தை செலுத்த தவறிய முன்னாள் பாராளுமன்ற உறுப்பினர்களுக்கே இவ்வாறு அழைப்பாணை விடுக்கப்பட்டுள்ளது.

நுகேகொடை மாவட்ட நீதிமன்ற நீதவான் நாமல் பண்டார பலல மேற்குறித்த 19 பேரும் ஜூலை மாதம் 19ம் திகதி நீதிமன்றத்தில் ஆஜராக வேண்டுமென உத்தரவிட்டுள்ளார்.

2001ம் ஆண்டு டிசம்பர் மாதம் 5ம் திகதி முதல் 2004ம் ஆண்டு பெப்ரவரி மாதம் 7ம் திகதி வரை மாதிவெல உத்தியோகபர்வ வாஸஸ்தலத்தில் தங்கியிருந்து வாடகை செலுத்த தவறியதாக முன்னாள் பாராளுமன்ற உறுப்பினர்களுக்கு எதிராக குற்றம் சுமத்தப்பட்டுள்ளது.