‘வானொலியின் இதயக்குரல் ஓய்ந்தது’ நூல் வெளியீட்டு விழா

உயன்வத்தை பிரிய நிலா அமைப்பின் ஏற்பாட்டில் ‘வானொலியின் இதயக்குரல் ஓய்ந்தது’ எனும் நூராணிய ஹஸன் நினைவு மலர் நூல் வெளியீட்டு விழா உயன்வத்தை நூராணியா மகா வித்தியாலய கேட்போர் கூடத்தில் நேற்று ஞாயிற்றுக்கிழமை (07) காலை 9.00 மணிக்கு நடைபெற்றது.

ஸ்ரீலங்கா முஸ்லிம் மீடியா போரத்தின்தலைவர் என். எம். அமீன் தலைமையில் நடைபெற்ற இந்நிகழ்வில் பராளுமன்ற உறுப்பினர் ஏ. எச். எம். அஸ்வர் மற்றும் முன்னாள் அமைச்சர் இம்தியாஸ் பாக்கீர் மாக்கார் ஆகியோர் பிரதம அதிதியாகக் கலந்து கொண்டு நிகழ்வைச் சிறப்பித்தனர்.

மலரின் முதல் பிரதியை தொழிலதிபர் எஸ் . முத்தையா பெற்றுக் கொண்டார்.

பேராதனை பல்கலைக்கழகப் பேராசிரியர் கலாநிதி எம். எஸ். எம். அனஸ் கலந்து கொண்டு உரை இந்நிகழ்வில் சிறப்புரை நிகழ்த்தினார். ஓய்வு பெற்ற அதிபர் எம். எச். எம் நிஸார் மலர் அறிமுகத்தையும் கலைமகள் ஹிதாயா ரிஸ்வி, செல்வி ஆதிபா அஷ்ரப் ஆகியோர் கவிவாழ்த்தினையும், உயன்வத்தை ரம்ஜான் ஏற்புரையினையும் நிகழத்தினர்.

இந்நிகழ்வை நஸீர் அஹமட் சிறப்புற நெறிப்படுத்தினார்.

(இக்பால் அலி)