‘நிர்வாண ஜிஹாத்’ பெண்ணிலைவாதத்திற்காவும், இனவாதத்திற்காகவும் குரல்கொடுக்கிறதாம்....!

'பீமேன்' என்பது பெண்களில் ஒருபகுதியினர் தங்களது உடம்பை நிர்வாணமாக வெளிக்காட்டிச் செய்யும் ஒருவகையான பெண்ணியல் போராட்டமாகும். இந்த நிர்வாணப் போராட்டம் ஒரு தசாப்தத்திற்கும் மேலாக நைஜீரியா, லிபியா,கென்யா, உகண்டா போன்ற நாடுகளில் மேற்கொள்ளப்பட்டுள்ளன.

அறபு தேசம் உட்பட சர்வதேச ரீதியிலான இணைப்பைக் கொண்ட ஒரு தளம் அவர்களுக்காக இயங்குகின்றது. அண்மையில் ரியூனிசியாவைச் சேர்ந்த எமீனா ரைலர் என்பவர் தனது நிர்வாண உடம்பைத் தனக்குக் காட்டுவதற்கு உரிமையுள்ளது என குறிப்பிட்டதனால், அவர் கல்லெறிந்து கொலை செய்யப்பட வேண்டுமென ரியூனிசியாவைச் சேர்ந்த மதகுரு அடெல் அமி குறிப்பிட்டார். பீமேன் அதற்கு எதிர்ப்புக் காட்டியது எவ்வாறெனின், நேகட் ஜிஹாத் (நிர்வாண ஜிஹாத்) முறையில் தாங்கள் முஸ்லிம் பள்ளிவாசல்கள், கலாசார நிலையங்கள், அறபுகளின் தூதுவராலயங்கள் என்பவற்றுக்கு எதிராகச் செயற்பட்டனர். இஸ்லாமியர்கள், பெண்களின் உரிமைகளை மதிப்பதற்குப் பதிலாக, உரிமைகளைச் சாவடிப்பதற்கு முயல்பவர்கள் என அவர்கள் குறிப்பிட்டனர்.

இந்திய விதவைகளை பிரித்தானியர்கள் தடைசெய்யும்வரை விரதம் அநுஷ்டித்தல், பிரான்ஸுக்கு அடிமையாகியுள்ள அல்ஜீரிய பெண்களுக்கு சுதந்திரம் கிடைக்கும்வரை வீடுகளில் துன்பம் அனுபவித்தல், போன்றவற்றோடு இந்த நிர்வாணப் போராட்டத்தை மேற்கொண்டு பெண்ணடிமைத் தனத்திலிருந்து பெண்களைக் காப்பாற்றுதல் அவர்களது நோக்கங்களாகவுள்ளன. அறபு தேசங்களில் மட்டுமன்றி அவுஸ்திரேலிய பெண்களும் பெண்ணடிமைத்தனத்துக்குள் மூழ்கியுள்ளனர் என ஊடகமொன்று வெளியிட்ட செய்தியில் குறிப்பிடப்பட்டுள்ளது. பீமேன் பிரிவினர் மேற்கத்தேயத்திற்குள் அடக்கியொடுக்கப்பட்டுள்ள பெண்ணடிமைவாதத்தையும் வெளிக்கொணர்கிறது. பெண்களின் உடம்பு மட்டுமே தேவையாக உள்ள ஆண்களுக்கு எதிராகச் செயற்படுவதும் அவர்களைத் தெளிவுறுத்துவதும் அவர்களது நோக்கங்கள் என நிர்வாணிகள் குறிப்பிடுகின்றனர்.

இனவாதத்தை மேலெழுப்பாமல் அறபுப் பெண்கள் குரலெழுப்பி அவர்கள் தங்களது உரிமைகளைப் பெற்றுக் கொள்ள வேண்டுமென்பதற்காக இந்த நிர்வாணப் பெண்கள் பல்வேறு சூட்சுமங்களைக் கையாளுகின்றனர் என்பதும், இவ்வாறு பெண்கள் தங்களது அங்கங்கங்களைக் காண்பித்து உரிமைப் போராட்டத்தில் குதிப்பதனால் மேலும் ஆணாதிக்கமும், பாலியல் வன்புணர்வுகளுமே அதிகம் மேலெழும் என்பதுமே உண்மை!

(கேஎப்)