மாடு தேடிச் சென்ற இருவரை அடித்துச் சென்ற வெள்ள நீர்- பலியென அச்சம்

நாட்டில் நிலவும் அசாதாரணமான ச10ழ்நிலையில் காணாமல் போயிருந்த தமது மேய்ச்சல் மாடுகளைத் தேடிச் சென்ற இருவர் வெள்ளத்தில் சிக்குண்டு பலியாகியுள்ள சம்பவம் ஒன்று மாவடியோடை சப்பாத்துப் பாலத்தில் இடம்பெற்றுள்ளது. இச்சம்பவம் நேற்று மாலை 5.30 மணியளவில் இடம்பெற்றுள்ளது.

மயில் வாகனம் ராகுலன் (35 வயது) பாலகப் போடி பத்மநாதன் (34 வயது) ஆகிய இருவருமே வெள்ளத்தில் அடித்துச்செல்லப்பட்டு பலியாகியுள்ளதாக தெரிவிக்கப்படுகின்றது.


இது தொடர்பில் கடற்படையினருக்கு உடனடியாகத் தகவல் தெரிவிக்கப்பட்டதை அடுத்து வெள்ளத்தினால் சூழப்பட்ட பகுதிகளில் தேடுதல் நடத்திய போதும் வெள்ளத்தினால் அடித்துச் செல்லப்பட்டவர்களைக் கண்டு பிடிக்க முடியவில்லை. இரவாகி விட்டதனால் தேடுதல் நடவடிக்கைகளும் கைவிடப்பட்டது.

பாரிய வெள்ளத்தில் சிக்குண்ட இருவரும் இனிமேல் உயிருடன் மீட்பதற்கான சாத்தியக்கூறுகள் இல்லை எனத்தெரிவித்த பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.