அமெரிக்க வங்கியில் 1 மணி நேரத்துக்கு 2.5 லட்சம் யூரோ சம்பளம் வாங்கும் முன்னாள் ஜனாதிபதி

பிரான்ஸ் ஜனாதிபதி தேர்தலில் தோல்வியை தழுவிய நிகோலஸ் சர்கோஸி, அமெரிக்க வங்கியான Morgan Stanley ல் "சிறப்பு ஆலோசகர்" பணியில் இணைந்துள்ளார். இதற்காக வழங்கப்படும் ஊதியம், 1 மணி நேரத்துக்கு 2.5 லட்சம் யூரோ!

சர்கோசி பிரான்ஸ் ஜனாதிபதியாக இருந்தபோது, பிரிட்டிஷ் பிரதமராக இருந்த தமது முன்னாள் சகா டோனி பிளேரின் காலடித் தடங்களைதான், இந்த விஷயத்திலும் பின்பற்றியிருக்கிறார். டோனி பிளேர் பிரிட்டிஷ் பிரதமர் பதவியில் இருந்து இறங்கியவுடன், இதே அமெரிக்க வங்கி மோர்கன் ஸ்டேன்லி, பிளேரையும், "சிறப்பு ஆலோசகராக" சேர்த்துக் கொண்டது குறிப்பிடத்தக்கது

டோனி பிளேர் பிரிட்டிஷ் பிரதமர் பதவியில் இருந்து இறங்கிய பின், 6 ஆடம்பர வீடுகளை வாங்கியுள்ளார். பிரைவேட் ஜெட்டில் உலகை சுற்றி வருகிறார். வருட வருமானம், 20 மில்லியன் பவுன்ட்ஸ் என்று கணக்கு காட்டியுள்ளார். அதில், 2 மில்லியன் பவுன்ட்ஸ் வந்தது, மோர்கன் ஸ்டேன்லி வங்கி கொடுத்த ஊதியம் என தெரியவருகின்றது.