யாழில் நேற்று மூன்று இடங்களில் திருட்டு பல லட்சம் பெறுமதியான பணம் மற்றும் நகைகள் களவு

யாழ்.வலிகாமம் பகுதியில் நேற்றிரவு வௌ;வேறு இடங்களில் இடம்பெற்ற திருட்டுச்சம்பவத்தில் 15 லட்சம் பெறுமதியான நகை மற்றும் 1லட்சத்தி 60 ஆயிரம் ரூபா பணம் என்பன திருடப்பட்டுள்ளன.

சுன்னாகம் மற்றும் தாவடியிலும் தொல்லிப்பளை பேருந்திலும் இவ்வாறு நேற்றைய தினம் திருட்டுக்கள் இடம்பெற்றுள்ளன.

சுன்னாகம் கந்தரோடையில் உள்ள வீடென்றில் ஆட்கள் அற்ற வீட்டில் 25 பவுண் நகை மற்றும் 15 ஆயிரம் ரூபா பணம் திருடப்பட்டது. அங்கிருந்த அனைவரும் தொழிலுக்கும் பிள்ளைகள் பாடசாலைக்கும் சென்றிருந்த நிலையிலேயே இச்சம்பம் இடமபெற்றது.

தாவடியிலுள்ள வீட்டிலும் உள்ளே சென்ற திருடர்கள் வீட்டை சல்லடை போட்டுத் தேடி அங்கிருந்த நகை மற்றும் பணத்தை எடுத்துக்கொண்டு தப்பினார்கள்.

இதேவேளை யாழ்ப்பாணம் தெல்லிப்பளை பஸ்ஸில் தாயும் மகளும் பெற்ற கடனை திருப்பி செலுத்துவதற்காக கொண்டு சென்ற 1லட்சத்து 50 ஆயிரம் ரூபாவையும் திருடர்கள் திருடிக்கொண்டு சென்றனர்

இச்சம்பவங்கள் தொடர்பாக தெல்லிப்பளை மற்றும் சுன்னாகம் பொலிஸில் முறைப்பாடு செய்யப்பட்டுள்ளன.சம்பவங்கள் தொடர்பாக பொலிஸார் விசாரணைகளை மேற்கொண்டு வருகின்றனர்