பாவனைக்கு உதவாத ஒரு தொகை தேயிலை மீட்பு.

பெரியமுல்ல பகுதியில் களஞ்சியப்படுத்தப்பட்டிருந்த கலப்படமானதும் , பயன்பாட்டுக்கு பொருத்தமற்றதுமான ஒரு தொகுதி தேயிலை கைப்பற்றப்பட்டுள்ளதுடன் இரண்டு சந்தேக நபர்களும், கைது செய்யப்பட்டுள்ளனர். நீர்கொழும்பு பொலிஸ் குற்றத்தடுப்பு பிரிவிற்கு கிடைத்த தகவல்களுக்கமைய, கம்பளை மற்றும் பத்தேகம ஆகிய பகுதிகளை வசிப்பிடமாகக் கொண்ட சந்தேக நபர்களே இவ்வாறு கைது செய்யப்பட்டவர்களாவர்.

தேயிலை தொழிற்சாலைகளிலிருந்து அகற்றப்படுகின்ற கலப்பட தேயிலையை, இரசாயண உரம் தயாரிப்பதாகவெனத் தெரிவித்து, மிக குறைந்த விலைக்கு, பெற்றுக்கொண்டுள்ளோர். வெனிலா இரசாயண பதார்த்தத்தை கலந்து, ஒரு கிலோ தேயிலையை 300 ரூபாவிற்கு நீர்கொழும்பு மொத்த வர்த்தகர்களுக்கு விற்பனை செய்துள்ளதாகவும், பொலிஸார் தெரிவிக்கின்றனர்.

நீர்கொழும்பு குற்றத்தடுப்பு பிரிவின் பொறுப்பதிகாரி பிரசாத் லியனகே உள்ளிட்ட அதிகாரிகள், மேலதிக விசாரணைகளை மேற்கொண்டு வருகின்றனர்.