காலி சிறைச்சலையில் கைதிகள் தப்பியோட முயற்சி: ஐவர் படுகாயம்

இன்று காலை 6.30 அளவில் காலி சிறைச்சாலையில் இருந்து இரு கைதிகள் தப்பிச் செல்ல முற்பட்டபோது ஏற்பட்ட மோதலில் இரு கைதிகளும் மூன்று சிறை அதிகாரிகளும் படுகாயமடைந்துள்ளனர்.

இன்று (23) காலை சிறைச்சாலையில் இருந்து இரு கைதிகள் தப்பிச் செல்ல முற்பட்டவேளை சிறை அதிகாரிகள் அவர்கள் மீது துப்பாக்கிப் பிரயோகம் மேற்கொண்டுள்ளனர்.

இதன்போது கைதிகள் மற்றும் சிறை அதிகாரிகளுக்கு இடையில் ஏற்பட்ட மோதலில் ஐவர் காயமடைந்துள்ளனர்.

சம்பவத்தில் காயமடைந்தவர்கள் காலி கராபிட்டி வைத்தியசாலையில் அனுமதிக்கப்பட்டுள்ளனர்.