வவுனியாவில் 6 பேர் கொண்ட கொள்ளைக் கும்பலொன்று பிடிபட்டது.

பல்வேறு கொள்ளை சம்பவங்களுடன் தொடர்புடைய ஆயுத கோஷ்டி, பொலிஸாரினால் கைது செய்யப்பட்டுள்ளது. 6 பேர் அடங்கிய கொள்ளை கோஷ்டி, விசேட நடவடிக்கைகளின் மூலம், கைது செய்யப்பட்டதாக, வவுனியா பொலிஸார் தெரிவிக்கின்றனர். யாழ்ப்பாணம், முல்லைதீவு, மன்னார், வவுனியா ஆகிய பகுதிகளில், வாகன கொள்ளை உட்பட பல்வேறு கொள்ளை சம்பவங்களுடன் இவர்கள் தொடர்பட்டிருந்ததாக, ஆரம்பகட்ட விசாரணைகளிலிருந்து தெரியவந்துள்ளது, கொள்ளைகளுக்கு பயன்படுத்திய கைத்துப்பாக்கி, 6 குண்டுகள் உட்பட மேலும் பல ஆயுதங்கள், பொலிஸாரினால் கைப்பற்றப்பட்டுள்ளன.

பல பகுதிகளிலிருந்து கொள்ளையிடப்பட்ட இரண்டு வேன்கள், இரண்டு மோட்டார் சைக்கிள்கள் மற்றும் முச்சக்கர வண்டியொன்றும் கைப்பற்றப்பட்டதாக, வவுனியா பொலிஸார் தெரிவிக்கின்றனர். வவுனியா பிரிவு சிரேஷ்ட பொலிஸ் அத்தியட்சகர் ஹேமந்த அதிகாரியின் பணிப்புரைக்கமைய, விரிவான விசாரணைகள் இடம்பெறுகின்றன.