உடவலவ கொலை சம்பவம் தொடர்பாக சந்தேகத்தின் பேரில் சிலர் கைது

உடவலவ- பணஹடுவ பகுதியில் ஒரே குடும்பத்தை சேர்ந்த நான்கு பேர் கொலை செய்யப்பட்டமை தொடர்பில் சந்தேக நபர்கள் சிலரை பொலிஸார் கைது செய்துள்ளனர்.இந்த கொலை சம்பவம் தொடர்பில் இதுவரை சுமார் 50 பேரிடம் விசாரணை நடத்தி வாக்குமூலங்களை பதிவு செய்துள்ளதாக பொலிஸார் தெரிவித்துள்ளனர்.

ஒரே குடும்பத்தைச் சேர்ந்த 32 வயதான இந்திரானி (தாய்), 37 வயதுடைய லலித் (தந்தை), 12 வயதுடைய சிலான் சத்துரங்க (மகன்) மற்றும் 08 வயதுடைய நதீக்கா செவ்வந்தி (மகள்) ஆகியோரே 13-10-2011 அன்று இரவு 7.40 அளவில் சுட்டுக் கொலை செய்யப்பட்டவர்களாவர்.

இந்த கொலையுடன் தொடர்புடைய மேலும் சில சந்தேகநபர்களை கைது செய்வதற்கான விசாரணைகளை பொலிஸார் மேற்கொண்டு வருகின்றனர்.