கூரிய ஆயுதத்தால் குடும்பஸ்தர் குத்திக்கொலை –கிராண்ட்பாசில் சம்பவம்

கிராண்ட்பாஸ் பொலிஸ் பிரிவுக்குட்பட்ட புஞ்சிஅக்ரவத்தை பகுதியில் குடும்பஸ்தர் ஒருவர் கொடூரமான முறையில் கூரிய ஆயுதத்தால் குத்தி கொலை செய்யப்பட்டுள்ளார். நேற்று அதிகாலை 5.45 மணியளவில் இடம்பெற்ற குறித்த சம்பவத்தில் 45 வயதுடைய மொகமட் ஜெயினுலாப்தீன் மொகமட் நவாஸ் என்பவரே பலியாகியுள்ளார். கொலைசெய்த நபர் தப்பிச்சென்றுள்ளதுடன் கிராண்ட்பாஸ் பொலிசார் பொலிசார் மேலதி விசாரணைகளை முன்னெடுத்து வருகின்றனர்.

கிராண்ட்பாஸ் புஞ்சி அக்ரவத்தை தோட்டமென்றில் தண்ணீர் குழாயடியில் வைத்தே குறித்த நபர் கொலை செய்யப்பட்டுள்ளார். கழுத்து மற்றும் நெஞ்சு பகுதியில் சரமாரியாக வெட்டப்பட்ட நிலையில் கொழும்பு தேசிய வைத்தியசாலைக்கு எடுத்துச்செல்லப்பட்ட போNது அவர் பலியாகியுள்ளார். கொலை சம்பவம் இடம்பெற்ற தண்ணீர்குழாயடியை சுற்றிய பகுதியில் இரத்தம் சிந்தியிருந்தது.

கொலை செய்த சந்தேக நபர் பொது இடம்களிலும் இரவு வேளைகளில் வெளியில் நிறுத்தி வைக்கப்பட்டிருக்கும் முச்சக்கர வண்டிகளிலும் உறங்குபவர் என கிராம வாசிகள் கூறுகின்றனர். இச்சந்தேக நபர் காலை வேளகளில் குறித்த தோட்டத்தில் உள்ள குழாயடிக்கு வந்து நீராடுவதாகவும் சில வேளைகளில் நிர்வாணமாக நீராடுவதாகவும் அவ்வாறான சந்தர்பம்களில் பலியான நபர் அவரை பேசி விரட்டுவதாகவும் எனவே நேற்று அவ்வாறான சந்தர்பத்திலேயே அவர் கொலை செய்யப்பட்டிருக்கலாம் எனவும் பிரதேச வாசிகள் தெரிவிக்கின்றனர்.

கொலையாளி ஓரளவு புத்தி சுவாதீனமற்றவர் என சில தகவல்களும் அவர் நல்ல உளநலத்துடன் இருப்பவராவர் என சில தகவல்களும் கூறுகின்றன. இது தொடர்பில் கிhண்ட்பாஸ் பொலிசார் மேலதிக விசாரணைகளை மேற்கொண்டு வருகின்றனர்.