முல்லைத்தீவில் Fitness சென்ரறாம்.

வன்னிப்பிரதேசத்தில் இயங்கிவரும் சிறிரெலோ எனப்படும் குழுவினை சேர்ந்த ஜேர்மன் பிரஜா உரிமையுடைய நபர் ஒருவர் தான் வன்னியில் வாழ்விழந்து நிற்கும் மக்களுக்கு உடற்பயிற்சி வழங்கப்போகின்றேன், அதற்கான உபகரணங்கள் வேண்டும் என புலம்பெயர் நாடுகளிலுள்ள பலரிடமும் கடந்த சில வாரங்களாக தொலைபேசி அழைப்புக்களை ஏற்படுத்தி வேண்டுதல் விடுப்பதாக தெரியவருகின்றது.

மக்களின் அவலங்களின் பெயரால் பிழைப்பு நடாத்தும் கும்பல்கள் காலத்திற்கு காலம் ஒவ்வொரு யுக்தியை கண்டுபிடிப்பது வழமை. வன்னியில் உள்ள மக்கள் அன்றாட வாழ்கைச் செலவிற்காகவும் குழந்தைகளுக்கு பாடசாலை உபகரணங்கள் : சீருடைகள் என்பவற்றிற்காக போராடிக்கொண்டிருக்கும் இத்தருணத்தில் பொடிபில்டிங்செய்ய மெசின்வேண்டும் என்ற ஓர் வேண்டுகோள் என பலர் விசனமடைந்துள்ளனர்.

அத்துடன் குறிப்பிட்ட உடற்பயிற்சி நிறுவனம் ஒன்றினை நிறுவுவதற்காக பொருட்களை சேகரிக்க ஆரம்பித்திருக்கும் நபர் லண்டனை தளமாக கொண்டு இயங்கும் வானொலி ஒன்றில் உதவியாளராக இருந்தபோது வானொலி நிர்வாகத்தினருக்கு வந்திருந்த 50 பவுண்ட் மணியோடரை திருடிக்கொண்டு மாயமானவர் என்ற பெருமைக்குரியவராவர் எனவும் கடந்தகாலங்களில் வன்னி இடைத்தங்கல் முகாம் யுவதிகள் பலரின் வாழ்வுடன் திருவிளையாடல் புரிந்துள்ளவர் எனவும் தெரியவருகின்றது.

முருகுப்பிள்ளை முள்ளியவளை