ஐ.நா பொதுச் செயலாளர் பான் கீ மூனை, ஜீ.எல் பீரிஸ் சந்திக்கத் திட்டம்

வெளிவிவகார அமைச்சர் ஜீ.எல்.பீரிஸ், ஐக்கிய நாடுகளின் பொதுச் செயலாளர் பான் கீ முனை சந்திக்கத் திட்டமிட்டுள்ளதாகத் தெரிவிக்கப்படுகிறது. இலங்கை தொடர்பான நிபுணர்கள் குழு நியமனம் மற்றும் லியன் பெஸ்கோவின் இலங்கை விஜயம் ஆகியன தொடர்பில் அமைச்சர் பீரிஸ் பேச்சுவார்த்தை நடத்த உள்ளார். நியூயோர்க்கில் அமைந்துள்ள ஐக்கிய நாடுகளின் தலைமையகத்தில் நாளைய தினம் இந்த சந்திப்பு நடைபெறவுள்ளது.

இதேவேளை, அமெரிக்க ராஜாங்கச் செயலாளர் ஹிலரி கிளின்ரன் உள்ளிட்ட முக்கியஸ்தர்களையும் அமைச்சர் பீரிஸ் சந்தித்து பேச்சுவார்த்தை நடத்த உள்ளதாகக் குறிப்பிடப்படுகிறது.