ஒபாமா படித்த பள்ளிக்கூடத்தில் அவரது சிலை

இந்தோனீசியாவில் ஜகார்த்தா பூங்காவில் வைக்கப்பட்டிருந்த ஒபாமா வெண்கலச் சிலை அங்கிருந்து அகற்றப்பட்டு தற்போது அவர் படித்த பள்ளிக்கூடத்திலேயே வைக்கப்பட்டுள்ளது. சிறுவனாக ஒபாமா இருந்தபோது படித்த பள்ளிக்கூடத்திற்கு அந்த சிலை மாற்றப்பட்டிருப்பது மிகவும் மகிழ்ச்சியளிப்பதாக அப்பள்ளி முதல்வர், ஆசிரியர்கள் மற்றும் மாணவர்கள் தெரிவித்துள்ளனர்.

கையில் வண்ணத்துப் பூச்சியை பறக்கவிட்டபடி சிறுவன் ஒபாமா நிற்பது போன்ற அந்த அழகிய சிலை, முன்பு ஜகார்த்தா பூங்காவில் வைக்கப்பட்டிருந்தது. ஆனால் இந்தோனீசியர்கள் பலர் அங்கு அந்த சிலை வைக்கப்படுவதற்கு எதிர்ப்பு தெரிவித்ததைத் தொடர்ந்து சென்ற வாரம் அந்த சிலை அங்கிருந்து அகற்றப்பட்டதாக அப்பள்ளி அதிகாரிகள் கூறினர்.