இரண்டு லட்சம் ரூபாவிற்கு சமாதான நீதவான் பதவி.

மனித உரிமைகள் அமைப்பு எனும் பெயரில் தம்மை பதிவு செய்து கொண்டுள்ள அமைப்பு ஒன்று பல நிதிமோசடிகளை மேற்கொண்டுவருவது வெளிச்சத்திற்கு வருகின்றது. கொழும்பை தளமாக கொண்டுள்ள இவ் அமைப்பு மட்டக்களப்பு மற்றும் சில பிரதேசங்களில் தமக்கென முகவர்களை நியமித்து வைத்துள்ளதுடன் முகவர்களுடாக சமாதான நீதவான் பதவிக்காக நபர்களிடம் சுமார் இரண்டு இலட்சம் ரூபா வரை பேரம் பேசியுள்ளமை தெரியவந்துள்ளதுடன்.

சமாதான நீதவான் பதவி இவ்வாறு விலைபேசி விற்கப்படுவது குறித்து அறிந்து கொண்ட காத்தான்குடிப் பிரதேசத்தை சேர்ந்த நலன்விரும்பிகள் சிலர் விடயத்தை ஜனாதிபதி செயலகத்தின் கவனத்திற்கு கொண்டுவந்துள்ளனர்.

மட்டக்களப்பு விசேட நிருபர்