இந்திய போர் விமானத்தில் பறந்து ஜனாதிபதி பிரதீபா பட்டீல் சாதனை படைத்தார்

இந்திய விமானப்படைக்கு சொந்தமான சுகோய்-30 எம்.கே.ஐ. என்ற போர் விமானத்தில் ஜனாதிபதி பிரதீபா பட்டீல் இன்று காலை புனேயிலுள்ள லோகிகோயன் என்ற விமானப்படை தளத்திலிருந்து பறந்து சாதனை படைத்தார். இதற்காக இவர் போர் விமானிகள் அணியும் ஜி-சூட் என்ற சிறப்பு உடையை அணிந்திருந்தார். சுகோய் விமானத்தில் பறந்த முதல் பெண் ஜனாதிபதி என்ற சாதனையை படைத்துள்ளார். இதற்கு முன்பு கடந்த 2006-ம் ஆண்டு முன்னாள் ஜனாதிபதி அப்துல் கலாம் இதில் பயணித்தார் என்பது குறிப்பிடத்தக்கது.

பயணத்துக்கு பிறகு அவர் கூறுகையில், சுகோய்' விமானத்தில் பயணம் செய்தது ஈடு இணையற்ற வியத்தகு அனுபவம் ஆகும். நம்முடைய நாட்டின் எல்லைகளை பாதுகாக்க தேவையான முழு தகுதியுடன் விமானப்படை விமானிகளும், ராணுவமும் உள்ளனர் என்பதை மீண்டும் உறுதிபட கூறுகிறேன் என்று கூறினார்.