யாழ்-கொழும்ப நேரடி பஸ்சேவை ஆரம்பம்.

யாழ்பாணத்தில் இருந்து கொழும்புக்கான நேரடி பஸ்சேவை இன்று காலை ஆரம்பமானது. இன்று காலை யாழிலிருந்து புறப்பட்ட 3 இலங்கை போக்குவரத்து சபைக்குச் சொந்தமான அரை-சொகுசு (semi luxury) பஸ் வண்டிகளும் இன்றிரவு 8 மணிக்கு கொழும்பைச் சென்றடையும் என அதிகாரிகள் தெரிவித்தனர்.

இலங்கைப் போக்குவரத்துச் சபையின் யாழ்-கொழும்பு சாதாரண கட்டணம் ரூ. 368 ஆகும். ஆனால் அரைச் சொகுசு பஸ்வண்டிக்கான கட்டணமாக 550 ரூபா அறவிடப்பட்டுள்ளது.

யாழ்-கண்டி பிரதான பாதையான ஏ9 வீதி கடந்த ஜனவரி மாதத்தில் திறந்து விடப்பட்டபோதும், அப்பாதையினூடாக பயணம் செய்வதற்கு பாதுகாப்புப் படையினரின் அனுமதி பெறவேண்டியுள்ளது.