ஆட்கடத்தலில் ஈடுபட்ட வெளிநாட்டவர்கள் இருவர் வெள்ளவத்தையில் கைது.

சட்டவிரோத ஆட்கடத்தலில் ஈடுபட்டுவந்த இரு வெளிநாட்டவர்களையும் மற்றும் இலங்கையை சேர்ந்த குடும்பம் ஒன்றையும் வெள்ளவத்தை ஹோட்டல் ஒன்றில் வைத்து பொலிஸார் கைது செய்துள்ளனர். இவர்கள் வெளிநாடுகளில் தொழில் வாய்ப்புக்கள் பெற்றுத்தருவதாக நேர்முகப்பரீட்சை ஒன்றை நாடத்திக் கொண்டிருக்கும்போதே இக்கைது இடம்பெற்றுள்ளது.

அங்கிருந்த 31 கடவுச்சீட்டுக்களும் பல போலி ஆவனங்களும் கண்டுபிடிக்கப்பட்டுள்ளது. கைது செய்யப்பட்டுள்ளவர்களில் காணப்படும் பெண் தொடர்பாக வெளிநாட்டு வேலைவாய்ப்பு பணியகத்திற்கு பல முறைப்பாடுகள் கிடைக்கப்பெற்றுள்ளதாகவும், பல காலங்களாக தேடப்பட்டு வந்தவர் எனவும் பொலிஸார் தெரிவித்துள்ளனர்.