புதையல் தோண்டினார் என்ற குற்றச்சாட்டில் கைது செய்யப்பட்டு சிறையில் அடைக்கப்பட்டிருந்த முன்னாள் கிழக்கு மாகாண இராணுவத் தளபதியும் கிழக்கு மீட்பு போரின் கட்டளைத் தளபதியுமான மேஜர் ஜெனரல் பாராக்கிரம பன்னிப்பிட்டிய கடந்த வியாளக்கிழமை மீண்டும் இராணுவச் சேவையில் இணைந்து கொண்டுள்ளார்.
சட்டவிரோதமாக புதையல் தோண்டினார், இராணுவ வாகனங்களை தவறான தேவைகளுக்காக பயன்படுத்தினார் என பல குற்றச்சாட்டுக்கள் இவர் மீது சுமத்தப்பட்டிருந்தபோதும், நீதிமன்றம் சகல குற்றச்சாட்டுக்களிலும் இருந்து அவரை விடுவித்துள்ளது.
இவர் முப்படைகளின் பிரதான அதிகாரியாக நியமிக்கப்படலாம் என நம்பத்தகுந்த வட்டாரங்களில் இருந்து தெரியவருவதுடன், தான் அவ்வாறு நியமிக்கப்படும் போது முன்னாள் இராணுவத் தளபதி சரத்பொன்சேகா விற்கு தகுந்த பாடம் கற்பிக்க உள்ளதாக அவர் தனது நண்பர்களிடம் தெரிவித்துள்ளார்.
No comments:
Post a Comment